Әулиекөл ауданы

Әулиекөл ауданы Қостанай облысының орталық бөлігіндегі әкімшілік аудан, құрғақ дала белдемінде орналасқан. Жерінің аумағы — 11,7 мың км². Орталығы — Әулиекөл ауылы. Аудан 1928 жылы "Семиозёр ауданы" болып құрылған, 1997 жылдан Әулиекөл ауданы аталады.

Қазақстан ауданы
Әулиекөл ауданы
Елтаңбасы
Елтаңбасы
Әкімшілігі
Облысы

Қостанай облысы

Аудан орталығы

Әулиекөл

Ауылдық округтер саны

12

Кенттік әкімдіктер саны

1

Ауыл саны

34

Әкімі

Таукенов Жансұлтан Қоныртайұлы[1]

Тарихы мен географиясы
Координаттары

52°21′00″ с. е. 64°07′48″ ш. б. / 52.35000° с. е. 64.13000° ш. б. / 52.35000; 64.13000 (G) (O) (Я)Координаттар: 52°21′00″ с. е. 64°07′48″ ш. б. / 52.35000° с. е. 64.13000° ш. б. / 52.35000; 64.13000 (G) (O) (Я)

Құрылған уақыты

1928 жыл

Жер аумағы

11,1 мың км²

Уақыт белдеуі

UTC+6:00

Тұрғындары
Тұрғыны

45 255[2] адам (2015)

Тығыздығы

4,28 адам/км²

Ұлттық құрамы

қазақтар (51,14%)
орыстар (30,50%)
украиндар (7,78%)
немістер (3,16%)
татарлар (2,08%)
шешендер (1,43%)
белорустар (1,22%)[2]

Сандық идентификаторлары
Автомобиль коды

10

[auliekol.kostanay.gov.kz auliekol.kostanay.gov.kz]

Қазақстан картасындағы Әулиекөл ауданы

Жер бедеріӨңдеу

Аудан жерінің көпшілік бөлігін жазықтық және қазаншұңқырлы-көлді өңір алып жатыр. Аудан аумағы оңтүстік-батысында Торғай Үстіртімен (абсолют биіктігі — 250 м), шығысында Торғай қолатымен (абсолют биіктігі — 103–115 м) шектеседі. Кен байлықтарынан: қоңыр көмір, көмір, отқа төзімді саз, боксит кездеседі. Климаты шұғыл континенттік — қысы суық, жазы ыстық. Қаңтар айындағы орташа температурасы — 18–19°С, шілдеде — 21–22°С. Жауын-шашынның жылдық орташа мөлшері — 260–280 мм. Топырағы қара, қара қызғылт, қоңыр, құмдақ болып келеді. Селеу, көкпек, жусан, т.б. шөп өседі. Ауданның шығысында Басаман, Аманқарағай орман алқабы бар. Жабайы жануарлардан: қасқыр, түлкі, қоян, сарышұнақ, орманды өңірінде тиін, елік, бұлан; құстардан: шіл, қарақұр, бүркіт, кезқұйрық, қаз, үйрек, аққу, тырна, қызғыш, тауқұдірет, шымшық, бозторғай, т.б. мекендейді.

Су торабыӨңдеу

Жер беті суларын ауданның Солтүстік-батыс бөлігі мен Торғай қолатындағы көлдер, Обаған өзенінің жоғарғы салалары, Шилі өзені құрайды. Көлдері: Құсмұрын, Шилі, Қарасор, Аласор, Сұлукөл, Шұбанкөл, т.б.

ХалқыӨңдеу

Тұрғындар саны – 42 178 адам (2019). Ұлттық құрамы: қазақтар – 51,05%, орыстар – 30,78%, украиндар – 7,41%, немістер – 3,14%, татарлар – 2,11%, шешендер – 1,49%, беларустар – 1,17%, башқұрттар – 0,33%, әзірбайжандар – 0,28%, басқа ұлт өкілдері – 2,23%.

Әкімшілік бөлінісіӨңдеу

34 елді мекен 1 кенттік әкімдігімен 12 ауылдық округтерге біріктірілген:

ШаруашылығыӨңдеу

Ауданда май, сыра, нан, құрама азық заводтары, шағын тігін және жиғаз фабрикалары, құрылыс-монтаж кәсіпорындары мен тұрмыс қажетін өтеу комбинаттары, баспахана, жол құрылыс кәсіпорыны, автобаза бар. Әулиекөл ауданы негізінен ауыл шаруашылығымен айналысады. Ауыл шаруашылығына жарамды жер аумағы — 1,1 млн га (1997), оның ішінде: 447,8 мың га егістік, 17,7 мың га шабындық, 501,4 мың га мал жайылымы бар. Ауданда негізінен қой, сиыр, жылқы, шошқа өсіріледі, астық, жемшөп, көкөніс, картоп, т.б. егіледі.

ДереккөздерӨңдеу

  1. Аудан әкімі. Әулиекөл ауданы әкімдігінiн ресми интернет - ресурсы. Тексерілді, 6 желтоқсан 2016.
  2. a b 2015 жыл басына Қазақстан Республикасы халқының жекелеген этностары бойынша саны. Қазақстан Республикасы Ұлттық экономика министрлігі Статистика комитеті. Тексерілді, 25 қаңтар 2016.