Қарасу ауданы
Қарасу ауданы — Қостанай облысының шығысындағы әкімшілік-аумақтық бөлініс.[4] 1939 жылы құрылды. 1997 жылы аудан құрамына бұрынғы "Октябрь ауданының" солтүстік бөлігі қосылды. Жер аумағы — 12,8 мың км². Орталығы — Қарасу ауылы.
| Қазақстан ауданы | |||
| Қарасу ауданы | |||
| |||
| Әкімшілігі | |||
|---|---|---|---|
| Облысы | |||
| Аудан орталығы | |||
| Ауылдық округтер саны |
13 | ||
| Ауыл саны |
41 | ||
| Әкімі |
Шәмшиев Алмабек Қуанышұлы[1] | ||
| Аудан әкімдігінің мекенжайы |
Қарасу ауылы, Исақов көшесі 73, 2 қабат | ||
| Тарихы мен географиясы | |||
| Координаттары |
52°19′12″ с. е. 65°22′12″ ш. б. / 52.32000° с. е. 65.37000° ш. б. (G) (O) (Я)Координаттар: 52°19′12″ с. е. 65°22′12″ ш. б. / 52.32000° с. е. 65.37000° ш. б. (G) (O) (Я) | ||
| Құрылған уақыты | |||
| Жер аумағы |
12,8 мың км² | ||
| Уақыт белдеуі | |||
| Тұрғындары | |||
| Тұрғыны |
20 544[2] адам (2023) | ||
| Ұлттық құрамы |
орыстар (43,12%) | ||
| Сандық идентификаторлары | |||
| Автомобиль коды |
10 | ||
|
| |||
Жер бедеріӨңдеу
Аудан аумағы Торғай Үстіртінің солтүстік-шығыс бөлігін алып жатыр. Жер бедері негізінен жазық келген. Кейбір жерлері кішігірім өзендермен оңтүстіктен солтүстікке қарай аздап тілімделген. Төбелі-жонды келген аумақтарында көл қазаншұңқырлары жиі кездеседі.
Климаты, өсімдігі мен жануарлар дүниесіӨңдеу
Ауданның климаты тым континеттік, қысы суық боранды, жазы біршама ыстық келеді. Қаңтардағы ауаның жылдық орташа температурасы — -17…-18°С, шілдеде — 19…21°С. Жауын-шашынның жылдық орташа мөлшері — 250–300 мм. Аудан жерінің топырағы солтүстік бөлігінде қара, оңтүстігінде қоңыр, қызғылт қоңыр болып келеді. Құсмұрын көліне таяу маңда сортаңды қара және қоңыр топырақтар, басқа көлдердің жайылымдарында шалғынды қара топырақ дамыған. Өсімдіктерін жусан аралас астық тұқымдас (селеу, бетеге, қылқан боз, айрауық, т.б.) шөптесіндер құрайды. Солтүстігінде терек аралас қайың шоқтары кездеседі. Жануарлар дүниесінен қасқыр, түлкі, қоян, суыр, сарышұнақ; құстардан қаз, үйрек, аққу, көл жағалай қызғыш, тауқұдірет, шымшық, далалы жерлерде бозторғай, дуадақ, т.б. мекендейді.
Су торабыӨңдеу
Жер беті сулары Қарасу (Қойбағар саласымен), Құндызды, Сүйгенсай және Тімтуір өзендерінен тұрады. Ауданда бірнеше көлдер бар. Олар: Алабота, Құсмұрын (шығыс бөлігі), Қойбағар, Тімтәуір, Жаншора, Биесойған және Жекекөл.
ХалқыӨңдеу
Тұрғындар саны – 25 258 адам (2019). Ұлттық құрамы: қазақтар – 28,50%, орыстар – 42,28%, украиндар – 12,04%, беларустар – 4,52%, немістер – 4,45%, молдовандар – 1,19%, шешендер – 0,81%, үдмүрттер – 0,55%, башқұрттар – 0,54%, әзірбайжандар – 0,34%, мордвалар – 0,32%, чуваштар – 0,32%, армяндар – 0,22%, поляктар – 0,20%, корейлер – 0,19%, ингуштар – 0,13%, басқа ұлт өкілдері – 1,41%.
Әкімшілік бөлінісіӨңдеу
41 елді мекен 13 ауылдық округке біріктірілген:
- Айдарлы ауылдық округі
- Жалғызхан ауылдық округі
- Жамбыл ауылдық округі
- Ильичев ауылдық округі
- Қарамырза ауылдық округі
- Қарасу ауылдық округі
- Қойбағар ауылдық округі
- Люблин ауылдық округі
- Новопавлов ауылдық округі
- Октябрь ауылдық окургі
- Ушаков ауылдық округі
- Черняев ауылдық округі
- Шалғышы ауылдық округі
ШаруашылығыӨңдеу
Ауыл шаруашылығына жарамды жерінің аумағы — 1,27 млн га, оның 855 мың га-сы — егістік, шабындық — 3,4 мың га, жайылым — 367,4 мың га (2009).
Қатынас жолдарыӨңдеу
Аудан жері арқылы Қарталы (Ресей аумағында)–Астана темір жол магистралі, одан басқа Қостанай–Қарасу, Қарасу–Қойбағар, Қарасу–Сарыкөл, Қарасу–Шалғыншы, Қарасу–Есіл автомобиль жолдары өтеді.
ДереккөздерӨңдеу
- ↑ Аудан әкімінің аппараты туралы жалпы ақпарат. Қарасу ауданы әкімдігінің ресми сайты. Тексерілді, 22 желтоқсан 2016.
- ↑ Қазақстан Республикасы халқының жынысы және жергілікті жердің типіне қарай саны (2023 жылғы 1 қаңтарға)
- ↑ Қазақстан Республикасы халқының жекелеген этностары бойынша саны (2022 жыл басына)
- ↑ Қазақстан табиғаты: Энциклопедия / Бас ред. Б.Ө.Жақып — Алматы: "Қазақ энциклопедиясы" ЖШС, 2011. Т. 3. — 304 бет. ISBN 9965-893-64-0 (Т. 3), ISBN 9965-893-19-5