Талаптан Ахметжан

Талаптан Зейнолдаұлы Ахметжан - (16 желтоқсан 1961 жыл Шығыс Қазақстан облысы, Күршім ауданы, Теректібұлақ ауылы – 27 маусым 2009 жыл, Алматы) - жазушы, драматург.

• 1977 жылы Теректібұлақ орта мектебінің 8 сыныбын өте жақсы бітіріп, Өскемен қаласындағы Жамбыл атындағы мектеп-интернатқа ауысады.
• 1979 жылы мектеп-интернатты бітіріп, Өскемен құрылыс-жол институтына оқуға түседі.
• 1985 жылы институты бітіріп, құрылыста мастер
• Шығыс Қазақстан облыстық телерадио комитетінде редактор
• республикалық «Қазақ әдебиеті» газетінде тілші, бөлім меңгерушісі
• Қазақстан Республикасының Баспасөз және бұқаралық ақпарат министрлігінде Бас маман
• «Егемен Қазақстан» газетінде бөлім редакторы
• «Парасат» журналында Бас редактордың орынбасары
• Қазақстан жазушылар одағы басқармасы Төрағасының орынбасары
• «Ан Арыс» баспасының Бас редакторы қызметтерін атқарған.

Жетістіктері

• Қазақстан шығармашылық жастарының Республикалық «Жігер» фестивалінің (баспасөзде жарияланған әңгімелері үшін, 1988)
• Қазақстан жазушылар одағының Оралхан Бөкей атындағы сыйлығының (жазушы жайлы жазған естеліктері мен сын мақалалары үшін, 1995)
• Қазақстан Жастар одағы сыйлығының («Тұма» атты тырнақалды кітабы үшін, 1996)
• Халықаралық «Алаш» әдеби сыйлығының («О дүниенің қонағы» атты кітабы үшін, 2002)
• Халықаралық Валентин Пикуль атындағы сыйлықтың (шығармашылықтағы жетістіктері мен халықаралық әдеби байланысқа сіңірген еңбегі үшін, 2008 ) лауреаты.

Шығармалары

• «Тұма» («Жалын» 1995 ж.)
• «Сұлу мен суретші» («Білім» 1997 ж.)
• «О дүниенің қонағы» («Елорда» 2001 ж.)
• «Ақиқат жолы» («Қазақ-парат» 2003 ж.)
• «Мұң» («Қазақапа-рат» 2003 ж.) прозалық кітаптары,
• Таңдамалы шығармаларының үш томдығы («Жалын» 2006, 2007, 2008 жж.) жарық көрген.

Драмалық шығармалары республикалық театр сахналарында қойылуда.

• «Қараторғай» атты спектаклі он шақты жылдан бері Батыс Қазақстан облыстық театрының сахнасында қойылып келеді.

Алматыдағы Ғ.Мүсірепов атындағы академиялық Жастар мен балалар театрында

• «Екі жүрек»
• «Тазша бала»
• М.Әуезов атындағы академиялық драма театрында «Сұлу мен суретші»
• Жамбыл атындағы Шығыс Қазақстан облыстық драма театрында «Қараторғай» атты спектакльдері жүріп жатыр.

Республикалық басылымдарда бұл спектакльдер жайлы жылы лебіздер көп жариялайды.

Белсенділігі

• 2005 жылы Түркияның Стамбул қаласында өткен Халықаралық Жазушылар форумына
• 2007 жылы мамыр айында «Диалог-Евразия» платформасы ұйымдастырған Украинаның Киев қаласында өткен Халықаралық конгреске
• қараша айында Мәскеу қаласында өткен Халықаралық Жазушылар конгресіне қатысқан.

Шығармалары орыс, түрік, корей тілдеріне аударылды.