Бабай ишан Жүнісұлы
Бабай ишан Жүнісұлы, шын есімі Ибрагим. (1857, қазіргі Сырдария ауданы, Ақжарма ауылы, Азат кенті – 1937, Тәжікстан, Қорғантөбе) – діни қызметкер. Бұхара медресесін бітірген (1892). Сол жылы наймандар Бабай ишанды бала оқыту үшін Азаттан (қазіргі «Ақжармадан») орталарына көшіріп әкеліп, «Бидайкөлде» мешіт салып береді. Мешітте ақын А.Тоқмағанбетов, 20 ғ-дың 30-жылдарындағы қуғын-сүргіннің құрбаны болған Әбіш сынды зиялылар дәріс алған. Бабай ишан Сыр бойы ғана емес, Қостанай, Торғай, Семей өңірлерінде де молдалық құрып, ағарту жұмыстарымен айналысқан, елді адалдыққа, имандылыққа, бірлікке шақырған. Ол кеңестік дәуірде солақай саясат зобалаңына ұшырап, Тәжікстанға ауып, көп қиындықтарды бастан кешірді. Әйелі Зере ақын Құнанбайдың туған жиені. Ишанның қызы Әсияның үйінен Абай пайдаланған шкаф табылды, ол қазір Сырдария ауданы өлкетану мұражайында сақтаулы.
Дереккөздер
өңдеу“Қазақ Энциклопедиясы”,
| Бұл мақаланы Уикипедия сапа талаптарына лайықты болуы үшін уикилендіру қажет. |
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |