Бақыт Әбдірахманұлы Сәрсекбаев

Бақыт Әбдірахманұлы Сәрсекбаев (29 қараша, 1981 жыл, Павлодар қаласы) - бокс халықаралық спорт шебері, Барыс орденінің иегері (2008), Жартылай орташа салмақ пен бірінші жартылай орташа салмақта әуесқой бокстан Олимпиада ойындарының чемпионы (2008), Азия ойындарының чемпионы (2006).

Бақыт Сәрсекбаев
Жалпы мағлұмат
Толық есімі	Бақыт Әбдірахманұлы Сәрсекбаев
Азаматтығы	Қазақстан
Туған күні	29 қараша 1981 (1981-11-29) (42 жас)
Туған жері	Қазақстан, Павлодар, Павлодар облысы
Салмағы	69 кг
Тұрысы	солақай
Бойы	173 см
Бапкері	Кәрім Махмұдов

Марапаттар
Бокс
Олимпиада ойындары
Алтын	Бейжің 2008	69 кг дейін
Азия чемпионаты
Алтын	Серембан 2002	64 кг дейін
Алтын	Хошимин 2005	69 кг дейін
Алтын	Ұланбатыр 2007	69 кг дейін
Азия ойындары
Алтын	Доха 2006	69 кг дейін
Қола	Бусан 2002	64 кг дейін
Мемлекеттік марапаттары Барыс ордені

Өмірбаяны

Қазақстанға оралу

2004 жылғы Олимпиада ойындарынан кейiн Өзбекстаннан атақонысына көшiп келген Бақыт Қазақстанда 69 килограмм салмақта өзiне тең келер боксшы жоқ екенiн дәлелдеп бердi. Бақыт Сәрсекбай Қазақстанға келмес бұрын Өзбекстанның 69 килограмм салмақтағы нөмiрi бiрiншi боксшысы болған. Бiрақ, өзбек ағайындарымыздың дәл Афины Олимпиадасы қарсаңында қазақ Бақыт Сәрсекбайдан гөрi өзбек Дильшод Махмудовқа көбiрек бүйректерi бұрып кеткенi жөнiнде баспасөз беттерiнде жазылды да.

Бейжіңдегі Олимпиада ойындары

Пошта маркасы, 2013 жыл

Бақыт Олимпиада ойындарын өте жоғары деңгейде өткiздi. Алғашқы жекпе-жекте Канада боксшысын тас-талқан етiп ұтқан Бақытқа молдовалық боксшы да қарсы келе алмады. Ширек финалда Бақыт Сәрсекбай өзiнiң ежелгi қарсыласы Дильшод Махмудовты жеңдi. Жартылай финалда кездескен кәрiс боксшысы да Бақыттың мықтылығын мойындады. Ақтық айқаста бүкiл Куба халқының үмiт артқан боксшысы Карлос Сураестi ойнап жүрiп ұтты.

Бақыттың бұған дейiн де талай жарыста бағы жанғанын жанкүйерлер жақсы бiледi. Азия құрлығында екi дүркiн чемпион атанған Бақыт былтыр Чикагода өткен әлем бiрiншiлiгiнде бесiншi орынға табан тiреген-дi. 2006 жылы Дохада жалауы көтерiлген Азия ойындарында боксшыларымыздың жеңiп алғаны жалғыз алтын медаль болса, сол жалғыз алтынның иесi де осы Бақыт Сәрсекбай болды.

Сілтемелер

• Бақыт Сәрсекбаев: "Астана арландарына" енді қайта бармаймын"(қолжетпейтін сілтеме)
• Бақыт кетеді, Бақтияр келеді. Ал Қанат қайтеді? Мұрағатталған 9 қарашаның 2011 жылы.
• Бақыт СӘРСЕКБАЕВ: «Арландарға» жаңа көсем керек(қолжетпейтін сілтеме)