Болат Кенжекешұлы Байқадамов

Болат Кенжекешұлы Байқадамов (3 ақпан, 1946 жыл, Алматы облысы Кербұлақ ауданы, Қоғалы ауылы) - Философия ғылымдарының кандидаты (1987).

Болат Кенжекешұлы Байқадамов

Өмірбаяны

Әкесі - Байқадамов Кенжекеш Байқадамұлы, марқұм, Қарулы күштерде қызмет еткен. Анасы - Байқадамова Күлғайша Әділбайқызы, зейнеткер, орта мектепте мұғалім болған.

• С.М. Киров атындағы Әл-Фараби атындағы Қазақ ұлттық университетінің философиялық-экономикалық факультетін бітірген (1975), философ, философия пәнінің оқытушысы;
• Е.А. Бөкетов атындағы Қарағанды мемлекеттік университетінің заң факультетін бітірген (2006), заңгер.
• 1975 жылдан - Жамбыл технологиялық институтының оқытушысы.
• 1979 жылдан - Қарағанды политехникалық институтының аға оқытушысы.
• 1987 жылдан - С.М. Киров атындағы Қазақ мемлекеттік университетінің доценті.
• 1988 жылдан - Қарағанды мемлекеттік университетінің проректоры, партком хатшысы.
• 1990 жылдан - Қазақстан Компартиясы ОК идеологиялық бөлімінің консультанты.
• 1991 жылдан - Қазақстан Республикасының Жоғарғы Кеңесінің консультанты.
• 1992 жылдан - ҚР Туризм, дене шынықтыру және спорт министрлігінің бөлім бастығы;
• Кәсіпкерлер конгресінің бөлім менеджері.
• 1993 жылдан - коммерциялық фирманың директоры.
• 1994 жылдан - ҚР Президенті жанындағы Адам құқықтары жөніндегі комиссия Аппаратының кеңесшісі.
• 1999 жылдан ҚР Президентінің жанындағы Адам құқықтары жөніндегі комиссия Хатшылығының меңгерушісі
• ҚР Президенті Әкімшілігі Қоғамдық-саяси бөлімінің сектор меңгеруішісі.
• 2000 жылдан - Қоғамдық-саяси бөлім меңгерушісінің орынбасары
• ҚР Президентінің жанындағы Адам құқықтары жөніндегі комиссия Хатшылығының меңгерушісі.
• 2002 жылдан - ҚР Адам құқықтары жөніндегі уәкіл.
• 2007 жылдан бері - ҚР Президенті Әкімшілігі Ішкі саясат бөлімі секторының меңгерушісі.

Ғылыми жұмыстары

• Философия ғылымдарының кандидаты (1987). Кандидаттық диссертациясының тақырыбы: «Онтогенез және антропогенез процесінде ізгілікті эмоциялар мен сезімдерді қалыптастыру».
• 50-ден астам ғылыми мақалалардың, қоғамдық-саяси және құқық қорғау тақырыптарына арналған 30-дан аса жарияланымдардың авторы.

Марапаттары

• «Астана» (1998) медалі
• «Ерен еңбегі үшін» (2001) медалі
• «Қазақстан Республикасы Конституциясына 10 жыл» (2005) медалі
• «Қазақстан Парламентіне 10 жыл» (2006) медалі
• «Астанаға 10 жыл» (2008) медалі

Отбасы

• Үйленген. Жұбайы - Байқадамова Мерекеш Текенқызы, ҚР Парламенті Мәжілісінің Экология және табиғатты пайдалану мәселелері жөніндегі комитеті Хатшылығы меңгерушісінің орынбасары.
• Ұлы - Байқадамов Данияр (1972 жылы туған);
• қызы - Байқадамова Анель (1983 жылы туған).