Кербұлақ ауданы

Кербұлақ ауданыЖетісу облысында орналасқан әкімшілік бөлініс. Аудан орталығы – Сарыөзек ауылы.

Қазақстан ауданы
Кербұлақ ауданы
Елтаңбасы
Елтаңбасы
Әкімшілігі
Облысы

Жетісу облысы

Аудан орталығы

Сарыөзек

Ауылдық округтер саны

15

Ауыл саны

63

Әкімі

Қанат Болатұлы Есболатов

Аудан әкімдігінің мекенжайы

Сарыөзек ауылы, Момышұлы көшесі, №10

Тарихы мен географиясы
Координаттары

44°21′50″ с. е. 77°58′22″ ш. б. / 44.36389° с. е. 77.97278° ш. б. / 44.36389; 77.97278 (G) (O) (Я)Координаттар: 44°21′50″ с. е. 77°58′22″ ш. б. / 44.36389° с. е. 77.97278° ш. б. / 44.36389; 77.97278 (G) (O) (Я)

Құрылған уақыты

1973

Жер аумағы

11,5 мың км²

Уақыт белдеуі

UTC+6:00

Тұрғындары
Тұрғыны

44 600[1] адам (2023)

Ұлттық құрамы

қазақтар (89,18%), орыстар (8,2%), шешендер (1,47%), татарлар (0,34%), ұйғырлар (0,2%), басқалары (0,61%)[2]

Сандық идентификаторлары
Пошта индексі

041100-041121[3]

Автомобиль коды

19

Кербұлақ ауданының әкімдігі

Облыс картасындағы Кербұлақ ауданы

Географиялық орны өңдеу

Аудан солтүстігінде Көксу, Ескелді аудандарымен, шығысында Панфилов ауданымен, солтүстік-шығысында Қытаймен, батысында Алматы облысының Балқаш, Талғар аудандарымен және Қонаев қаласымен, оңтүстігінде Іле өзені арқылы Еңбекшіқазақ ауданымен шектеседі.

Тарихы өңдеу

Аудан 1973 жылы ұйымдастырылған. 1997 жылға дейін Талдықорған облысы аумағында болып келген. Бұрынғы Гвардия және Кербұлақ аудандары негізінде 1997 жылы қайта құрылып, қазіргі атымен аталады.

Жер бедері өңдеу

Кербұлақ ауданының шығыс, солтүстік-шығыс бөлігі таулы. Жетісу (Жоңғар) Алатауын екіге бөліп тұрған Көксу депрессиясы мен тауаралық ойыста орналасқан. Ауданның биік таулы бөлігі Қоянтау, Алтынемел, Тоқсанбай жоталарынан тұрады. Оңтүстік, оңтүстік-шығысында Шолақтау, Сарышыбын, Дегерес, Қотырқайың, Матай, оңтүстік-батысы мен батысында аласа келген Малайсары жотасы орналасқан. Ауданның ең биік жері Жетісу Алатауының оңтүстік сілемі саналатын Тоқсанбай жотасында (4062 м). Қиыр оңтүстігі мен оңтүстік-батысы жазық (Іле ойысы) келген. Батысында Мойынқұм жатыр.

Қазба байлықтары өңдеу

Жер қойнауынан алтын, күміс (Арқарлы, Бетбастау, Игілік, Керімбек кен орындары), цеолит, шунгит (Шанханай, Көксу кен орындары), алунит (ашудас алынатын минерал), қорғасын, мырыш, мыс кен орындары, одан басқа әктас, мәрмәр, габбро-диабаз, қиыршықтас кендері барланған. Майтөбе кен орнынан цеолит өндіріледі.

Климаты, өсімдігі мен жануарлар дүниесі өңдеу

Ауданның климаты тым континенттік. Қаңтар айының жылдық орташа температурасы –10 – 15°С. Қыстың кейбір күндерінде ауа температурасы –37°С-қа дейін төмендейді. Шілденің жылдық орташа температурасы 22 – 24°С; оңтүстік-батыстағы жазық өңірлерде кейбір жылдары температура 38 – 40°С-қа дейін көтеріледі. Жауын-шашынның жылдық орташа мөлшері ауданның батысындағы жазық өңірлерінде 150 – 200 мм-ден шығыс, солтүстік-шығысында 650 – 800 мм-ге дейін жетеді. Басты өзендері: Іле, Быжы, Көктал, Қаратал, Көксу. Шағын өзендері: Қызылжар, Майтөбе, Сарыбұлақ, Жартас, Шолақ, Тайшақ, Қоянкөз, т.б. Іле өзенінде Қапшағай су қоймасы салынған. Тау бөктерлері мен тауаралық ойыстарда таудың қара, күңгірт қоңыр, қызғылт қоңыр, жазық өңірінде ашық қоңыр, қоңыр, сұр, сортаңды сұр топырағы қалыптасқан. Мойынқұмда құмды топырақ таралған. Өсімдіктерден жазық өңірде жусан, көкпек, жыңғыл, сексеуіл, боз, бетеге, теріскен, изен, т.б. астық тұқымдас шөптесіндер өскен. Тау аңғарлары мен бөктерінде шайқурай, бидайық, бүлдірген, тобылғы, арша, итмұрын, долана, жабайы алма ағашы, самырсын, шырша, альпі шалғыны өседі. Жануарлардан қасқыр, түлкі, жабайы шошқа, қоян, борсық, суыр, сарышұнақ, биік таулы өңірде қоңыр аю, марал, арқар; құстардан бүркіт, ителгі, құр, кекілік, дуадақ тіршілік етеді. Ауданда аумағы 42,6 мың га Алтынемел ұлттық-табиғи саябағы орналасқан. Онда Барсакелмес қорығынан көшіріліп әкелінген құландар мекендейді. Ауданның шығысындағы Жоғарғы Көксу мемлекеттік қорықшасын марал және таутеке мекендейді.

Ауыл шаруашылығы өңдеу

Ауыл шаруашылығының жарамды жерлерінің жалпы аумағы (2008), 1,116 млн. га, оның ішінде егістік жерлері 142,4 мың га, көп жылдық егістіктер 0,2 мың га, шабындығы 19,8 мың га, жайылымдар 751,1 мың га, бақшалар 0,4 мың га-ны құрайды. Алтынемел жотасының солтүстік баурайында, еліміздің көрнекті ғалымы, саяхатшы Ш.Уәлихановтың өмірінің соңғы жылдары өткен Шанханай ауылы жанындағы Көшентоған қонысында ғалымға орнатылған ескерткіш-бейіт және мұражай орналасқан. Аудан жерімен АлматыСемей автомобиль жолы және Түрксіб темір жолы өтеді.

Халқы өңдеу

1979[4] 1999 2009[5] 2021
 39307 53522 47992 47590

Аудан халқының саны 48 860 адам (2019), ұлттық құрамы: қазақтар (88,80%), орыстар (8,47%), ұйғырлар (0,17%), татарлар (0,38%), шешендер (1,47%), немістер (0,12%), украиндар (0,09%), басқалары (0,50%).

Ауылдық округтер өңдеу

Аудандағы 63 елді мекен 15 ауылдық округке біріктірілген:

Әкімшілік бірлік Орталығы Елді мекендері Халқы (2009)
Алтынемел ауылдық округі Алтынемел ауылы 5 2132
Басши ауылдық округі Басши ауылы 3 2980
Жайнақ батыр ауылдық округі Жайнақ батыр ауылы 5 3156
Жоламан ауылдық округі Жоламан ауылы 7 2171
Көксу ауылдық округі Көксу ауылы 4 2130
Қарашоқы ауылдық округі Қарашоқы ауылы 2 2194
Қаспан ауылдық округі Қаспан ауылы 5 1742
Қоғалы ауылдық округі Қоғалы ауылы 5 5145
Қызылжар ауылдық округі Қызылжар ауылы 4 1958
Сарыбастау ауылдық округі Сарыбастау ауылы 6 1740
Сарыбұлақ ауылдық округі Қараағаш ауылы 4 1827
Сарыөзек ауылдық округі Сарыөзек ауылы 4 12486
Талдыбұлақ ауылдық округі Талдыбұлақ ауылы 3 2136
Шанханай ауылдық округі Шанханай ауылы 3 4036
Шұбар ауылдық округі Шұбар ауылы 3 2159

Дереккөздер өңдеу