Жоғарғы Көксу қорықшасы
Жоғарғы Көксу қорықшасы – Жетісу өңірін мекендейтін аңдар мен құстарды қорғау, көбейту мақсатымен 1980 жылы құрылған республикалық мәні бар зоологиялық қорықша.
| Жоғарғы Көксу қорықшасы | |
| Жалпы мағлұмат | |
|---|---|
| Ауданы | 240 мың га |
| Құрылған уақыты | 1980 жылы |
| Орналасуы | |
| 44°34′07″ с. е. 80°07′13″ ш. б. / 44.568631° с. е. 80.120347° ш. б. (G) (O) (Я)Координаттар: 44°34′07″ с. е. 80°07′13″ ш. б. / 44.568631° с. е. 80.120347° ш. б. (G) (O) (Я) | |
| Ел |  Қазақстан |
| Аймақ | Жетісу облысы |
| Аудандар | Панфилов ауданы, Кербұлақ ауданы |
| Lua error Module:Wikidata/media ішіндегі 4 жолында: attempt to concatenate local 'value' (a nil value). | |
Географиялық орны өңдеу
Жетісу облысының Панфилов және Кербұлақ аудандарында орналасқан. Аумағы 240 мың га.
Жер бедері өңдеу
Қорықша Көксу, Қорғас, Үлкен Өсек және Кіші Өсек өзендерінің бастауындағы Жетісу Алатауының (Жоңғар Алатауының) Тоқсанбай жотасының орталық бөлігін алып жатыр. Жер бедері биік және аласа таулы болып келеді. Теңіз деңгейінен 2500 м биіктіктегі қылқан жапырақты (майқарағай және шырша) орман белдеуі одан жоғары бетегелі дала белдеуіне, субальпілік және альпілік шалғынға ұласады.
Фаунасы өңдеу
Қорықшада барыс, арқар, марал, жабайы шошқа, елік, сілеусін, ақ қоян, ақ тиін, сұр суыр, қарабауыр ұлар, сақалтай, бүркіт мекендейді; сирек кездесетін және жойылып бара жатқан, Қазақстанның Қызыл кітабына енгізілген жануарлардың 8 түрі (Жетісу аяқтыбалығы, барыс, т.б.) бар. Қорықшада аң аулауға, құс атуға тыйым салынған, қорғауға алынған жануарлардың тіршілігіне бөгет жасауға, өсімдіктерді өртеуге, сондай-ақ әр түрлі уландырғыш заттарды қолдануға рұқсат етілмейді.[1]
Дереккөздер өңдеу
- ↑ "Қазақ энциклопедиясы"