Дмитрий Сергеевич Коржинский

Коржинский Дмитрий Сергеевич (1.9.1899, Ресей, Санкт-Петербург1985, сонда) – орыс ғалымы, геологиялық-минералдар ғылылым докторы (1938), профессор (1940), КСРО Ғылым Академиясының академигі. (1953), Социологистік Еңбек Ері (1969), физика-химия петрология және минералогия, физика геохимия ғылымдарының негізін салушылардың бірі. Ленинград тау-кен институтын бітірген (1926). 1926 – 29 ж. КСРО Геология камитетінде, Бүкілодақтық геолгия ғылыми-зерттеу институтында қызмет істеген. 1929 – 40 ж. Ленинград тау-кен институтында оқытушы. 1937 жылдан КСРО Ғылым Академиясында қызмет істеген. 1969 – 79 ж. Экспериментальдік минералогия институтының директоры болды. Негізгі ғылыми еңбектері Қазақстан, Шығыс Сібір, Орал және Орта Азияның геологиясы мен минералдық кен орындарын зерттеуге арналған. Минерал түзілу процестерінің физика-химиялық теориясын жасады. Коржинский биметасоматиттік, жапсарлы-инфильтрациялық скарн түзілу және қышқылдық-негіздік гидротермальдік ерітінділер эволюциясы теорияcының негізін қалады. Магма кристалданғанда қышқылдык-негіздік өзара әрекеттесу принципін дәлелдеді. КСРО Мемлекеттік сыйлығы (1946, 1975) және Лениндік сыйлық (1958) лауреаты. Ленин, Еңбек Қызыл Ту ордендерімен, медальдермен марапатталған. Шығармашылығы: Факторы минеральных равновесий и минералогические фации глубинности, М., 1940; Физико-химические основы анализа парагенезисов минералов, М., 1957; Теория метасоматической зональности, М., 1969; Теоретические основы анализа парагенезисов минералов, М., 1973.

ДереккөздерӨңдеу

Қазақ Энциклопедиясы, 11 - том