Дүйсенбек Садырбайұлы Қанатбаев

Дүйсенбек Садырбайұлы Қанатбаев – қазақтың жазушысы, ақыны, аудармашысы, Қазақстанның еңбек сіңірген мәдениет қызметкері (1998)

Дүйсенбек Садырбайұлы Қанатбаев
Туған күні	27 қазан 1940 (1940-10-27)
Туған жері	Сүлмен ауылы, Красноводск облысы, Түрікмен КСР, КСРО (қазіргі кезде - Балқан уәлаяты, Түрікменстан)
Қайтыс болған күні	1 қаңтар 2010 (2010-01-01) (69 жас)
Қайтыс болған жері	Маңғыстау облысы, Қазақстан
Азаматтығы	КСРО → Қазақстан
Ұлты	қазақ
Мансабы	ақын, аудармашы және жазушы
Шығармалардың тілі	қазақша
Марапаттары	Халықаралық «Алаш» әдеби сыйлығының лауреаты

Өмірбаяны

1940 жылдың 27 қазанда Түрікменстанның Красноводск ауданы, Сүлмен ауылында (қазіргі Балқан уәлаяты) туған. Медицина училищесін бітіріп (1957), фельдшерлік қызмет атқарған. Әл-Фараби атындағы Қазақ ұлттық университетінің филология факультетін бітірген (1965).

1965 — 1973 жылдары республикалық теледидарда аға редактор, 1973 — 1978 жылдары «Жазушы» баспасында редактор, 1978—1982 жылдары «Қазақфильм» киностудиясында бас редактор, ал 1982—1986 жылдары «Жазушы» баспасында бөлім меңгерушісі болып қызмет істеген. Республикалық радиода әдебиет, мәдениет және өнер бөлімінің бас редакторы қызметін атқарған.

Алғашқы өлеңдері 1960 жылы жарық көрген.

Шығармалары

Ақынның негізгі кітаптары:

• «Жазира» (1966)
• «Жол басы» (1968)
• «Серпер» (1970)
• «Жетіқарақшы — жеті жұлдыз» (1973)
• «Ағын сулар әуейі» (1975)
• «Мың сүрлеу, соны соқпақ» (1977)
• «Песня бегущей воды» (1978)
• «Он бесінен толған-ай» (1979)
• «Арнадым саған» (1982)
• «Аспан асты, жер үсті» (1984)
• «Сейітқұл туралы аңыз» (1985)
• «Иек асты, қиян шет» (1988)
• «Таңның атысы, күннің батысы» (1989)
• «Жатаған ымырт, биік таң» (2000).

Өлеңдері орыс, түрікмен, Әзірбайжан, башқұрт, украин тілдеріне аударылған. Мақтымқұлыны, Франческо Петрарканы, Саят-Нованы, Лермонтовты тәржімалады.

Халықаралық «Алаш» әдеби сыйлығының лауреаты.