Ерболат Төлепбай

Ерболат Тоғысбайұлы Төлепбай
	Ерболат Тоғысбайұлы Төлепбай
Туған күні	2 қазан 1955 (69 жас)
Туған жері	Леңгір
Азаматтығы	КСРО; Қазақ КСР; Қазақстан
Жанры	кескіндеме
Қазақстанның еңбек сіңірген қайраткері

Ерболат Тоғысбайұлы Төлепбай (1955 жылы 2 қазанда Түркістан облысы, Леңгір ауданында туған) — қазақстандық әлемге танымал суретші-кескіндемеші. Қазақстанның Еңбек сіңірген өнер қайраткері (1990). Қазақстанның мемлекеттік сыйлығының иегері (2004). Қазақстан Суретшілер Ассоцияциясының басқармасының төрағасы.

Дулат тайпасының Жаныс руынан.^[1]

Ерболат Тоғысбайұлы Төлепбай (Төлепбаев) (2.10.1955 ж.т., Түркістан облысы бұрынғы Ленгер ауданы "Оңтүстік" а.) - кескіндемеші, Қазакстанның еңбек сіңірген өнер қайраткері (1990). Қырғызстанның және Ресей (2001) көркемсурет академиясының толық мүшесі. 1973 ж. Қазақ педогогика институтының көркем-графикалық факультетін бітірді. "Маңғыстау күнделігі" (1978), "Суретшінің жастық шағы" (1980), "Санагүл", "Жазғы жайлаудан оралуы (екеуі де 1981), 1941 жылдың хабары", "Түрксіб" (екеуі де 1982), "Жазушы Ш.Айтматов" (1983), "Сүгір" (1986), "Дүйсен және Мария", "Жібек жолы", "Екеуі" (1990) т.б. кескіндемелік еңбектері өткен өмір мен бүгінгі күннің рухани өзара байланысын ғажайып ұлттық дүниетаным тұрғысынан танытады. 1974 жылдан республика бұрынғы одақтық және халықаралық көрмелерге, соның қатарында АҚШ, Бельгия, Германия, Италия, Қытай, Үндістан, Франция т.б. елдерде ұйымдастырылған көрмелерге өз картиналарымен ұдайы қатысып келеді. Кескіндемешінің туындылары Қазақстан Мемлекет өнер мұражайында және Ресей мұражайларында, ТМД, Азия, Америка мен Еуропадағы жеке меншік коллекциялар қорында сақтаулы. Қазақстан Комсомол сыйлық лауреаты (1987), Қазақстан Мемлекеттік сыйлық иегері (2004).^[2]

Толығырақ

Ерболат Тоғысбайұлы 1955 жылы 2 қазанда Түркістан облысы, Леңгір ауданы Қасқасу ауылында дүниеге келген.
1974 - 1977 жылдары Абай атындағы Қазақ ұлттық педагогикалық университетінің көркемсурет-графика факультетін бітіген.
Қазақстан Суретшілер Одағының мүшесі.
Бүгінгі таңда Қазақ ұлттық өнер академиясының «Академиялық сурет және станоктік графика» кафедрасының профессоры.

Шығармашылығы

1974 жылдан республикалық, бүкілодақтық, халықаралық көрмелердің тұрақты қатысушысы.
Әлемнің 35 елінде, оның ішінде Франция, Италия, Германия, Индия, Қытай, Египет, Филиппин және басқа елдердегі көрмелерге қатысты.
Оның салған суреттерімен ТМД мен Шығыс Еуропа елдерінің көрермендері әбден таныс. Бүған дәлел ретінде Ерболат Төлепбайдың Мәскеу қаласындағы Третьяков галереясында, Бішкек қаласындағы бейнелеу өнері мұражайындағы, Прага қаласындағы көркемсурет орталығында зор табыспен өткен дербес көрмелерінен соң оған Ресей Федерациясы көркемсурет академиясының академигі, Қырғыз көркемсурет академиясының академигі, Чехия көркемсурет академиясының академигі атағы берілді.
Суретшінің шығармалары мемлекеттік Третьяков галереясында, Ресей Федерациясының мұражайларында, Ә.Қастеев атындағы мемлекеттік өнер мұражайында (Алматы), Қазақстан Республикасының облыстық мұражайларында, Қазақстан Мәдениет министрлігі Көркемсурет көрмелері дирекциясында, Қазақстан, ТМД, Еуропа, Америка, Азия елдеріндегі жеке коллекцияларда сақталған.

Қазақстанның жері мен адамдары, даласы мен қаласы, өткені мен қазіргісі, адамға деген сүйіспеншілік пен туған жері үшін жауапкершілік – суретші жұмыстарының басты тақырыптары болып табылады. Ерболат Төлепбайдыңөзіне ғана тән жұмбақәлемі, бұл – еуропалық мәдениет пен азиялыққұпия жан әлемінің кездесуі, еуропалық психологиялық талдаудың нәзіктігі мен көшпенділер ұрпақтарыныңәлемді сезінудіңәлеуетті космизмінің таңғажайып қосындысының сипаты.

АҚШ, Бельгия, Германия, Италия, Қытай, Үндістан, Франция т.б. елдерде ұйымдастырылған көрмелерге өз картиналарымен ұдайы қатысып келеді. Кескіндемешінің туындылары Қазақстан Мемлекет өнер мұражайында және Ресей мұражайларында, ТМД, Азия, Америка мен Еуропадағы жеке меншік коллекциялар қорында сақтаулы.^[2]

Марапаттары

1987 жылы Қазақстан Ленин комсомолы сыйлығының иегері.
1990 жылы "Қазақ КСРнің Еңбек сіңірген өнер қайраткері".
2001 жылы Платинды бас "Тарлан" тәуелсіз сыйлығының лауреаты атанды.
Жоғары награда — кескіндемеге қосқан үлесі үшін "лайықты" медалі (Қазақстан, 2001).
Ресей Өнер академиясының құрметті мүшесі (2001).
2002 жылы Кескіндеме саласы бойынша жетістіктері үшін Сальвадор Дали атындағы халықаралық альянс жүлдесі. (Мадрид-Прага).
2002 жылы EUROUNION жоғарғы марапаттауы. Брюссель, Бельгия.
2004 жылы Қазақстанның мемлекеттік сыйлығы берілді.
2006 жылы Францияның Әдебиет және өнер орденінің кавалері атанды.
"Ерен еңбегі үшін" медалінің иегері.
Россия, Чехия, Қырғызстан Өнер академияларының академигі.

Дереккөздер

↑ Баспа бас директоры:Әшірбек Көпіш Бәйдібек баба - Алып бәйтерек ұрпақтарының шежіресі. Жаныс — Алматы: Издательство Өнер, 2004. — 992 б. — ISBN 9965-595-78-Х.
↑ ^a ^b Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8

Осы мақала қазақ мәдениеті туралы бастама болып табылады. Бұны толықтырып, дамыту арқылы, Уикипедияға көмектесуіңізді сұраймыз.

Бұл — тұлға туралы мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] Баспа бас директоры:Әшірбек Көпіш Бәйдібек баба - Алып бәйтерек ұрпақтарының шежіресі. Жаныс — Алматы: Издательство Өнер, 2004. — 992 б. — ISBN 9965-595-78-Х.

[ReferenceA-2] Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8

[1]

[2]