Ерік Асқаров
Ерік Асқаров (10 қаңтар, 1959 жыл, Солтүстік Қазақстан облысы, Булаев ауданы, Дүйсеке ауылы - 2003 жыл) - ақын. Уақ тайпасынан шыққан.[1]
1983 жылы Алматы мемлекеттік көркем-театр институтын бітіріп, режиссер мамандығын алған. Қазақ драма театры жанындағы актерлік студияны, Көкшетау гуманитарлық университетін бітірген.
Республикалық Қазақ телевизиясында режиссер, «Жазушы» баспасында редактор, Қазақстан жазушылар одағы әдеби қорының директоры болған, Көкшетау, Астана қалаларында қызмет атқарған.[2]
Шығармалары өңдеу
- «Қарлығаш»
- «Жетіген» ұжымдық жинақтары.
- «Көгілдір», «Қазақстан ғасыры», «Астана жұртын айналсам» жыр жинақтары жарық көрді.
- «Біржан сал»
- «Петропавловск — қызылдардың қаласы» атты пьесалардың авторы.
Айтыс өнеріне үлкен үлес қосқан ақындығымен қатар белгілі аудармашы, драматург. О. Бөкейдің «Қар қызы» повесі мен С.Сейфулиннің «Көкшетау» поэмасы бойынша бейнефильмдер түсірген.[3]
И.Гогольевтің «Наарасуох», Л.Табукаиевилидің «Арманымның ақ құсы» пьесаларын қазақ тіліне аударған.
Жетістіктері өңдеу
Қазақстан жазушылар одағының М.Мақатаев атындағы сыйлығының (1988), Қазақстан Ленин комсомолы сыйлығының (1990) лауреаты.[4]
Дереккөздер өңдеу
- ↑ Дәйкенов Темірболат = Уақ шежіресі / Омаров Асан, Смайылов Ермұханбет — 2. — Астана: Фолиант, 2021. — 992 б. — 1000 таралым. — ISBN 978-601-338-848-9.
- ↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9
- ↑ АСҚАРОВ Ерік. aitysker ақпараттық порталы
- ↑ Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса — Алматы: «Аң арыс» баспасы, 2009 жыл
Сыртқы сілтемелер өңдеу
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|