Есет (ауыл)

Есет
	Ауыл
	Есет
Әкімшілігі
Ел	Қазақстан
Облысы	Маңғыстау
Ауданы	Бейнеу
Ауылдық әкімдігі	Есет
Әкімі	Анесов Ескендір Бердібекұлы
Тарихы мен географиясы
Координаттары	45°45′01″ с. е. 54°49′48″ ш. б. / 45.75028° с. е. 54.83000° ш. б. (G) (O) (Я)Координаттар: 45°45′01″ с. е. 54°49′48″ ш. б. / 45.75028° с. е. 54.83000° ш. б. (G) (O) (Я)
Бұрынғы атаулары	Қоркөл (Құркөл)
Климаты	Континентті
Уақыт белдеуі	UTC+5:00
Тұрғындары
Тұрғыны	▼771 адам (2021)
Сандық идентификаторлары
Автомобиль коды	12
	Есет Есет
	Есет шекарасы
	Ортаққордағы санаты: Есет

Есет — Маңғыстау облысы Бейнеу ауданындағы ауыл.

Басқа мағыналар үшін Есет деген бетті қараңыз.

Географиялық орналасуы

Аудан орталығы Бейнеу ауылынан солтүстік-батысқа қарай 60 км жерде, Бағытай-беніке ойысы мен Қарақұм құмды алқабы аралығында, темір жол бойында орналасқан.

Тарихы

Ауыл 1973 жылға дейін Атырау облысы, Ембі ауданының құрамында болған. Есет ауылы 1998 жылға дейін Құркөл деп аталып келген.

Халқы

1999	2009^[1]	2021^[2]
797	▲897	▼771

2016 жылғы есеп бойынша Есет ауылында 157 үй, (223 жанұя) 868 адам тұрады. Олардың 430-әйел, 438-ер адам. Мектеп оқушыларының саны 158, мектепалды дайындық сыныбында 12 бала тәрбиеленіп жатыр. Мектеп жасына дейінгі балалар - 95. зейнеткерлер - 71, мүгедектер -26, студенттер - 82, тұрақты жұмыс жасайтындар - 361, жеке кәсіпкерлікпен айналысатындар саны - 10, өзін – өзі жұмыспен қамтып отырғандар саны -9, Денсаулығына байланысты жұмысқа жарамсызы – 3. 2-отбасы жаңадан үй салып қоныстанды, 1 отбасы жанұя құрамы 5 адам ауылға көшіп келді. 13 сәби дүниеге келіп, 9 жас отбасын құрды^[3].

Инфраструктурасы

Есетте шаруа қожалықтары, кәсіпкерлік нысандар, темір жол саласының бөлімшелері, орта мектеп, клуб, кітапхана, фельдшерлік-акушерлік пункт, т.б. жұмыс істейді. Ауыл арқылы Ақтау – Атырау, Атырау – Қоңырат (Өзбекстан) автомобиль жолдары өтеді.^[4] ^[5] ^[6]