Жозеф Луи Лагранж

Жозеф Луи Лагранж (1736 жыл 25 қаңтар, Турин - 1813 жыл 10 сәуір, Париж) – француз математигі және механигі, Париж ғылым академиясының мүшесі (1772). 1759 жылдан Берлин ғылым академиясының мүшесі.

Жозеф Луи Лагранж

Өмірі

1766-1787 жылдары Берлин ғылым академиясының президенті. 1797 жылдан Париждегі Политехникалық мектептің профессоры. Ең маңызды еңбектері вариациялық есептеуге, аналитикалық және теориялық механикаға арналған. Вариациялық есептеудің негізгі ұғымдарын жетілдіріп, варияциялық есепті шешуге арналған аналитикалық әдісті ұсынған. «Аналитикалық механика» (1788) атты класикалық еңбегінде барлық статиканың негізіне «ортақ формуланы» - ықтималды орын ауыстыру принципін, ал динамиканың негізіне – ықтималды орын ауыстыруы принципі мен Д'Аламбер принципінің үйлесімі болып табылатын «ортақ формуланы» алды. Ол жалпыланған координаталар ұғымын енгізді. Лагранж математикалық анализ, сандар теориясы, алгебра, дифференциалдық теңдеулер, интерполяциялау, математикалық картография, астрономия т.б. бойынша аса маңызды зерттеулер жүргізді. Математикалық анализді алгебралық тұрғыдан негіздеуге талаптанды.