Лесото

	Лесото патшалығы; ағылш. Kingdom of Lesotho; Үлгі:Lang-st
Байрақ	Елтаңба
	Ұран: «Khotso, Pula, Nala»
	Әнұран: «Lesotho Fatse La Bontata Rona»
Тарихы
Тәуелсіздік күні	4 қазан 1966 жыл (Ұлыбританиядан)
Мемлекеттік құрылымы
Ресми тілдері	ағылшын тілі және сесото
Елорда	Масеру
Ірі қаласы	Масеру
Үкімет түрі	Конституциялық монархия
Королі; Премьер-министрі	Летсие III; Том Табане
Географиясы
Жер аумағы; • Барлығы; • % су беті	Әлем бойынша 137-ші орын; 30 355 км²; 0,0032
Жұрты; • Сарап (2016); • Санақ (2004); • Тығыздығы	; 2 203 821 адам (144-ші); 2 031 348 адам; 68,1 адам/км² (138-ші)
Экономикасы
ЖІӨ (АҚТ); • Қорытынды (2017) ; • Жан басына шаққанда	; 7,448 млрд. $; 3,868 $
ЖІӨ (номинал); • Қорытынды (2017); • Жан басына шаққанда	; 2,721 млрд. $; 1,413 $
АДИ (2018)	▲ 0,515 (төмен) (160-шы)
Валютасы	рэнд, лоти
Қосымша мәліметтер
Интернет үйшігі	.ls
ISO коды	LS
ХОК коды	LES
Телефон коды	+266
Уақыт белдеулері	UTC+2

Координаттар: 29°34′00″ о. е. 28°17′00″ ш. б. / 29.56667° о. е. 28.28333° ш. б. ^(G) ^(O) ^(Я)

Лесото (сесуто тілінде, ағылш. Lesotho) немесе Лесото корольдігі — Африканың оңтүстігіндегі мемлекет (1966 жылға дейін Басутоленд деп аталды).

Жер аумағы 30,35 мың км². Халқы — 2,6 млн. (2002). Этникалық құрамының басым бөлігін басуто халқының өкілдері (79%) құрайды. Астанасы — Масеру қаласы Ресми тілдері — ағылшын және сесуто. Халқының 42%-ы протестанттар, 38%-ы католиктер, қалғандары әр түрлі діни сенімдерді ұстанады. Мемлекеттік құрылысы — конституциялық монархия (корольдік). Заң шығарушы органы — Сенат және Ұлттық Асссамблеядан тұратын қос палаталы парламент. Атқарушы билікті премьер-министр бастаған үкімет жүргізеді. Ұлттық мейрамы — Тәуелсіздік күні — 4 қазан (1966). 1966 жылдан БҰҰ-на және Африкалық Бірлік ұйымына (ОАЕ) мүше. Ақша бірлігі — лоти.

ТабиғатыӨңдеу

Лесотоның шығысы мен оңтүстік Дракон тауларымен шектелген, Басуто үстіртінде орналасқан. Ең биік жері — Табана нтленьяна (3482 м) тауы. Климаты субтропиктік, қаңтардағы орташа температурасы 25 — 26ӘС, шілдеде 15ӘС. Жауын-шашынның жылдық мөлшері — 750 — 1000 мм. Басты өзені — Оранис. Ландшафтысына астық тұқымдас шөптесінді дала тән, Дракон тауында бұта басым өседі. Негізгі пайдалы қазбалары — алмас, көмір, уран мен кварц.

ТарихыӨңдеу

Лесотоның ежелгі тарихы аз зерттелген. Лесотоның байырғы тұрғындары бушмендер болды. 17 — 18 ғасырларда басуто тайпалары оларды ығыстырып шығарды. 1860 ж. елді ағылшындар басып алып, 1868 — 1966 ж. аралығында Ұлыбританияның протектораты болды. 1966 ж. Лесото тәуелсіздік алғанымен елде саяси тұрақсыздық орын алып, жиі-жиі әскери төңкерістер болып тұрды. 1993 ж. 27 наурызда халықаралық күштердің қысымымен елде демократиялық сайлау өтіп, әскери режим биліктен кетті. 2 сәуірде парламент Лесотоныңның жаңа конституциясын қабылдады. Лесото сыртқы қатынастарда блоктарға қосылмау саясатын ұстанады.

ЭкономикасыӨңдеу

Лесото экономикасы ауыл шаруашылығына негізделген. Басты дақылдары: жүгері, сорго, бидай, арпа. Мал шаруашылығы, жүн және түбіт өндіру дамыған. Сыртқы саудасы негізінен Оңтүстік Африка Республикасына (экспорт — 85%, импорт — 90%) бағытталған. Жалпы ұлттық өнімінің жан басына шаққандағы мөлшері 2480 АҚШ долларына тең (1997). Сыртқа шикізат өнімдерін, жүн, алмас, бидай, көкөніс шығарады. Сырттан, негізінен, отын, азық-түлік, тұрмысқа қажетті тауарларды әкеледі.

ДереккөздерӨңдеу

↑ ^a ^b ^c ^d Lesotho. International Monetary Fund.
↑ 2016 Human Development Report. United Nations Development Programme (2016). Тексерілді, 21 наурыз 2017.

[imf2-1] Lesotho. International Monetary Fund.

[HDI-2] 2016 Human Development Report. United Nations Development Programme (2016). Тексерілді, 21 наурыз 2017.

[1]

[2]