Мамай (қолбасшы)
Басқа мағыналар үшін Мамай деген бетті қараңыз.Мамай (т.ж.б. — 1380 ж.ө.) — Алтын Орда қолбасшысы, Бердібек ханның күйеу баласы. 1371 жылы Алтын Орданың батыс бөлігінде Қара теңіз өңірінде өз ордасын құрып, билік жүргізді. Мамай орыс князьдарының өзара қырқысу кезеңін пайдаланып, 1373 жылы Рязань, 1378 жылы Нижегород князьдықтарына соққы берді. Алтын Орданың Белгіш мырза басқарған жерлерін орыс жасақтары Воже өзені бойында (1378) талқандағаннан кейін, Мамай Литва ұлы княздығының ұлы князі Ягайломен одақтасып, Руське жорыққа аттанды. 1380 жылы Күлік шайқасында біржола жеңілді. Алтын Орда билігін Тоқтамыс хан қолға алған соң, Мамай Кафаға (қазіргі Феодосия) қашып, сол жерде генуялық саудагерлердің қастандығынан қаза тапты. [1]
Дереккөздер
өңдеу| |
- ↑ «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VI том
| Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |