Мырғалымсай қорғасын-мырыш-барит кен орны

Мырғалымсай қорғасын-мырыш-барит кен орны - Түркістан облысы Кентау қаласының маңында орналасқан. Оны алғаш 1928 жылы М.Қадылбеков ашқан. Кейін Н.Л. Бубличенко, И.П. Новохатский, Л.И. Балавинский, В.С. Булыго, Д.Н. Малечник, Е.С. Зориндер зерттеген.

Геологиялық құрылымыӨңдеу

Мырғалымсай қорғасын-мырыш-барит кен орнының кенді қабаттары жоғарғы девонның фамен ярусының доломиттенген әктасты, доломитті, доломит-баритті жыныстарындағы таспа пішіндес горизонттарда орналасқан.

Жатыс сипатыӨңдеу

Кен алаңы 8 телімге (Орталық, Жайпақ, Оңтүстік, Сонкөл, Батыс, Солтүстік, Мұхамбет, Беріксай) бөлінеді. Тарамды-сеппелі, әр текті, бірнеше км-ге созылған негізгі кенді қабат буданың төменгі жартысын қамтиды. Оңтүстік-батыстағы құлау бұрышы 30. Қорғасынды, қорғасынды-мырышты, қорғасынды-баритті кентастардың 3 басты иірімі (Ұялы, Негізгі, Аралық) бар. Олардың ұзындығы 6,3– 0,9 км, қалыңдығы 7,5–13,6 м шамасында.

Минералдары, құрамыӨңдеу

Кеннің басты минералдары: барит, галенит, доломит, кальцит, ал қосымша минералдары сфалерит, пирит, халькопирит, арсенопирит, гематит, аргентит, тағы басқа Кен орнындағы қорғасынның орташа мөлшері 1,01%, мырыш 0,6%, барит 11,6% және күміс 23 г/т. Тотығу белдемінің тереңдігі 30–40, кейде 150–200 м. Барит пен қорғасынның қоры бойынша Мырғалымсай қорғасын-мырыш-барит кен орны ірі кен орындарының қатарына жатады.[1]

ДереккөздерӨңдеу