Рататуй

Рататуй — бұрыш, баклажан және кәдіден жасалатын Прованс асханасының дәстүрлі тағамы.

Рататуй
Тағамның кіретін ұлттық асханасы:
Франция, Прованс
Түпнұсқалық атауы	Ratatouille
Құрамы
Негізгі	көкөністер дәмдеуіштер
Рецепт
Рецепт
Ортаққордағы санаты
Суреттер

Француз сөзі ratatouille екі бөліктен тұрады: rata — «тамақ» және touiller — «араластыру».

Тарихы

Рататуйдің бірінші рецепті 1778 жылы жазылған аспаздық кітапта кездеседі. Бастапқыда заманауи Ницца аймағында пайда болған рататуй бай емес шаруалардың тағамы болды. Олар оны жазда балғын көкөністерден дайындаған, бұлар кәді, помидор, бұрыш, пияз және сарымсақ. Қазіргі нұсқада баклажан да қолданылады.

Жергілікті әр аспазшылардың асханасында болатын прованс шөптері қосылады, олар фенхель, розмарин, тмин, жалбыз, базилик, сондай-ақ трюфели. Бұл дәмдеуіштердің арқасында Прованс асханасының әр тағамы ерекше болып шығады.

Басқа мемлекеттерде ұқсас тағамдарды кездесуге болады, бірақ атауы басқаша болады. Мысалы, итальян асханасында капоната деп аталады, испандық — писто, түрік — имам-баялды, каталондық — самфайна, венгердік — лечо. Ресейде оны көкөністік рагу деп атайды. Бұл тағамдардың ингридиенттері бірдей болып келгенде де, дәмдік ерекшеліктеріне ие болады. Бұл көкөністердің сорттарына, қолданатын шөптер мен дәмдеуіштерге, дайындау технологиясына байланысты болып тұрады.

Дайындау

The Guardian гастрожурналисті Фелисити Клоук 2016 жылы жазғаны бойынша, рататуй салыстырмалы жаңа тағам болса да, оны дайындаудың өте көп тәсілдері бар.

Larousse Gastronomique энциклопедиясы жазғандай, көкөністердің жеке түрлері жеке пісірілуі керек, сосын олар біріктіріледі және қатты қызбаған отта дайындалады, тегіс және кілегейлі жағдайға келмегенше, сонда ғана әр көкөністің өз шынайы дәмі байқалады.

• 
  Рагу тәрізді берілу
• 
  Дайындамасы
• 
  Сервизделген

Бұқаралық мәдениетте

2007 жылы Walt Disney Pictures және Pixar Animation Studios Рататуй атты фильм шығарды. Дәм және иіс сезімдері ерекше дамыған Реми есімді егеуқұйрық қатаң тағам сыншысы Антон Эгоға осы тағамды дайындайды, ол кенеттен осы асты ұнатып қалады.