Сасықкөл (көл, Жетісу, Абай облыстары)

СасықкөлАлакөл қазаншұңқырының солтүстік-батыс жағында орналасқан көл.

Сасықкөл
Морфометрия
Өлшемі49,6 × 19,8 км
Ауданы736 км²
Көлемі2,43 км³
Жағалау сызығының ұзындығы182 км
Тереңдігі4,7 м
Орташа тереңдігі3,32 м
Су алабы
Құятын өзендерТентек, Қаракөл, Ай
Орналасуы
46°34′21″ с. е. 80°54′55″ ш. б. / 46.57250° с. е. 80.91528° ш. б. / 46.57250; 80.91528 (G) (O) (Я)Координаттар: 46°34′21″ с. е. 80°54′55″ ш. б. / 46.57250° с. е. 80.91528° ш. б. / 46.57250; 80.91528 (G) (O) (Я) (T)
Ел Қазақстан
АймақтарЖетісу облысы, Абай облысы
АудандарАлакөл ауданы, Үржар ауданы
Қазақстан Абай облысы позициялық карталар әлі жоқ.
Қазақстан Жетісу облысы позициялық карталар әлі жоқ.
Lua error Module:Wikidata/media ішіндегі 4 жолында: attempt to concatenate local 'value' (a nil value).
 Басқа мағыналар үшін Сасықкөл (айрық) деген бетті қараңыз.

Географиялық орны өңдеу

Жетісу облысы Алакөл ауданы мен Абай облысы Үржар ауданы жерінде.

Гидрографикасы өңдеу

Ауданы 736 км2 (аралдарымен қоса есептегенде 747 км2), ұзындығы 49,6 км, ені 19,8 км, жағасының ұзындығы 182 км, орташа тереңдігі 3,32 м (ең терең жері 4,7 м). Суының көлемі 2,43 млрд. м3. Шарасының түбі тегіс, батыстан шығысқа қарай аздап еңкіштеу келеді. Қарашаның аяғында қатып (ақпандағы қалыңдығы 60 — 62 см), сәуірдің бас кезінде мұзы ери бастайды. Көктемде су деңгейі көтерілген кезде Ұялы (Қошқаркөл) көлімен (Алакөл мен Сасықкөл аралығында) жалғасып кетеді. Деңгейінің жылдық ауытқуы 0,65 м.

Жағалау сипаты өңдеу

Оңтүстік-шығыс бөлігінде Аралтөбе түбегі (абсолютiк биіктігі 117 м), солтүстік-батысында Аралтөбе аралы бар. Көл жағасы аласа, қамыс өскен. Сасықкөлге Тентек, Қарақол, Ай өзендері құяды.

Құрамы өңдеу

Суының минералдылығы 0,27 г/л — 2,16 г/л, мөлдірлігі 0,2 — 2,6 м. Көл суы химиялық құрамына қарай гидрокарбонатты келеді.

Аң-құстары өңдеу

Көлде балықтың 8 түрі бар (сазан, көксерке, алабұға, көкбас, т.б.). 1946 жылы мұнда Алакөл мемлекеттік ондатр шаруашылығы құрылып, 1956 жылдан ондатр терісі дайындалды. Көлде үйрек, қаз, бірқазан, аққу, балықшы, шағала, жағалауындағы қамыс арасында қабан, түлкі, мәлін (теңбіл мысық), т.б. мекендейді.[1]

Дереккөздер өңдеу

  1. АТАМЕКЕН: Географиялық энциклопедия. / Бас ред. Б.Ө.Жақып. – Алматы: «Қазақ энциклопедиясы», 2011. – 648 бет. ISBN 9965-893-70-5