Сасықкөл (көл, Қарағанды облысы)

Сасықкөл — Қарағанды облысы Шахтинск қаласынан оңтүстік шығысқа қарай 8 км жерде, Абай ауданының аумағында орналасқан ағынсыз көл.

Сасықкөл
Морфометрия
Өлшемі	8 × 3,9 км
Ауданы	16,1 км²
Көлемі	25 млн. км³
Жағалау сызығының ұзындығы	23,8 км
Тереңдігі	5,5 м
Орналасуы
49°37′55″N 72°28′5″E
Ел	Қазақстан
Аймақ	Қарағанды облысы
Сасықкөл
Сасықкөл

 Басқа мағыналар үшін Сасықкөл (айрық) деген бетті қараңыз.

Гидрографикасы

Айдынының ауданы 16,1 км². Ұзындығы 8 км, енді жері 3,9 км. Көл суының көлемі 25 млн м³, ең терең жері 5,5 м, жағалауының ұзындығы 23,8 км. Көктемде еріген қар суы есебінен қоректенеді. Қазіргі кезде көлге Тентекөлінің ескі арнасы арқылы Шерубай-Нұра және Жартас бөгенінің суы жіберілуде.

Жағалау сипаты, өсімдігі мен жануаралары

Суы тұшы, егін және мал суаруға пайдаланылады. Көл жағасында құрақ, қоға, қамыс, сондай-ақ балдыр, шылаң, мүйізжапырақ, егеушөп өседі. Ондатра мекендейді , үйректер ұялайды . Ихтиофаунасы: табан, алабұға, шортан, тұқы, сазан, аққайран , лақа , теңгебалық, торта, көксерке, таутан.