Сейіт-Әлімхан әмірші

Сейіт-Әлімхан әмірші (толық аты — Сейіт Мір-Мұхаммед Әлімхан) — Бұқар әміршілігінің соңғы әміршісі (1911-1920).

Сейіт-Әлімхан
Әмірші
Билік жылдары	1911—1920
Таққа көтерілуі	1911
Толық аты	Сейіт Мір-Мұхаммед Әлімхан
Дүниеге келді	1881 Кермине
Қайтыс болды	1944 Ауғанстан
Ізашары	Абдулахад әмірші
Ізбасары	жоқ
Әулеті	Маңғыт әулеті
Әкесі	Абдулахад әмірші

1881 ж. (һижра бойынша 1298 ж. мұхаррам айының 5-інде) Керминеде туған, әмірші Абдулахадханның баласы.

Сауаты ашылып, бастауыш білімін алғаннан соң, жасы 12-ден 13-ке кеткенде 1893 ж. сол кезде Ресей империясының елордасы болған Санкт-Петербургға кетіп әскери білім беретін оқу орнына түсті. Оны 1896 ж. бітіріп шықты.

Екі жылдан кейін Қаршы уалаятының әкімі болып тағайындалды. 1910 ж. туған жері Керминеге әкім болып кетті.

1911 ж. әкесі қайтыс болған соң, әмірші болып таққа отырды.

Большевиктермен күресіп, ақырында 1920 ж. биліктен айрылып, 1921 ж. Ауғанстанға көшуге мәжбүр болды. Өмірдің соңғы 23 жылын Ауғанстанда тұрып, 1944 ж. қайтыс болды.