Соколов Владимир Алексеевич

Соколов Владимир Алексеевич (1.3.1903, Ресей, Ленинград облысы, Красносельский ауданы, Пулково ауылы – 1.4.1983, Алматы қаласы) – геология-минералогия ғылымдарының кандидаты (1946), профессор (1961). Қазақ КСР-інің еңбек сіңірген ғылыми қайраткері (1963). Ленинград (1930, қазіргі Санкт-Петербург) тау-кен институтын бітірген. Семей геология басқармасының бастығы (1931–1940), Қазақстан ҒА-ның Геология ғылымдар институтында бөлім меңгерушісі, мұражай директоры (1940–1949), Қазақ минералдық шикізаттар ғылыми-зерттеу институтында бөлім меңгерушісі, ҚазМУ-да (қазіргі ҚазҰУ) кафедра меңгерушісі (1949–1983), оқу ісі жөніндегі проректор (1951–1952) қызметтерін атқарған. Негізгі ғылыми еңбектері минералогия және ландшафт геохимиясы мәселелеріне арналған. С. Қаратау фосфорит, Бражихин андалузит, Жабағылы ванадий және Орталық Қазақстандағы темір кендерін ашушылардың бірі. Соколовтың тікелей басшылығымен Саяқ, Николаев, Белоусов мыс кендерінің және Орталық Қазақстанның туынды кварциттерін барлау мен қорын бағалау жұмыстары жүргізілді.КСРО Мемлекеттік сыйлықтың лауреаты (1949). Қызыл Жұлдыз, «Құрмет Белгісі» ордендерімен және медальдармен марапатталған.

Шыгармалары

• Джебагалинское ванадиевое месторождение. Геология Союза, т. 20, ч. 2, 1945; Актауский тип агроруд как природное минеральное удобрение, А.-А., 1972.