Сұрат

Сұрат — Жамбыл облысы Меркі ауданындағы ауыл, Сұрат ауылдық округінің орталығы.

Ауыл
Сұрат
Әкімшілігі
Ел	ҚазақстанҚазақстан
Статусы	Ауылдық округ орталығы
Облысы	Жамбыл
Ауданы	Меркі
Ауылдық округі	Сұрат
Тарихы мен географиясы
Координаттары	42°49′10″ с. е. 73°21′42″ ш. б.42.81944° с. е. 73.36167° ш. б. / 42.81944; 73.36167
Бұрынғы атаулары	№26 ауыл, Киров
Уақыт белдеуі	UTC+5:00
Тұрғындары
Тұрғыны	▲1663 адам (2021)
Сандық идентификаторлары
Телефон коды	+7 72632
Автомобиль коды	08
Сұрат Сұрат
Сұрат шекарасы

Географиялық орны

Аудан орталығы – Меркі ауылынан оңтүстік-шығысқа қарай 15 км-дей жерде, бұта аралас қылқан боз, сұлыбас, тағы басқа астық тұқымдас шөптесін өскен қызғылт қоңыр, қара топырақты төбелі-жонды келген қоңыржай ылғалды тау аралық аңғарда орналасқан.

Халқы

Саны (2009, 2021)

2009	2021	2021 2009-ға пайызбен	Ерлер 2009	Ерлер 2021	2021 2009-ға пайызбен	Әйелдер 2009	Әйелдер 2021	2021 2009-ға пайызбен
1585	▲1663	104,9	812	▲860	105,9	773	▲803	103,9

Тарихы

Іргесі 1950 жылы қызылша өсіретін Киров атындағы ұжымшардың орталығы болып қаланған. Оның негізінде Сұратта 1997 жылдан «Сұрат» өндірістік кооперативі және бірнеше шаруа қожалықтары құрылды.

Инфрақұрылымы

Орта мектеп, клуб, кітапхана, фельдшерлік-акушерлік пункт, тағы басқа мекемелер бар. Сұрат арқылы халықаралық маңызы бар Тараз-Меркі-Бішкек автомагистралі өтеді.

Ауыл атауының тарихы

Ауыл Сыпатай батырдың қоныс тепкен Тескентоған ауылының күншығыс жағында орналасқан. О баста Сыпатай өз ағайындарына өкпелеп, Іле бойынан қырғыздар қоныстанған Меркі өңіріне жиналып шығатын уақытта Сиыршының (шын есімі Келменбет) ұрпағы, яғни Сары батырдың бір баласы, Сыпатайдан бір мүшел үлкен Маңғаз деген кісі "Сыпатай, сен қай жерге қоныстансаң да қасыңнан, мүмкін болса, күншығыс жағыңнан менің ағайындарым үшін жер қалдыр, оның белгісі болсын, біз қоныстанатын жерге, мына бір тақия тарыны сеуіп таста, ұзамай біз де артыңнан барып қалармыз" деген екен. Содан Сұрат ауылының адамдары осы жерге қоныстанған екен. Артель болып ұйымдасқанда №26 ауыл деп аталған.