Тағдыр тәлкегі немесе жеңіл буыңызбен!
«Тағдыр тәлкегі немесе жеңіл буыңызбен» (орыс. «Ирония судьбы или с легким паром!») — режиссер Эльдар Рязановтың екі бөлімнен тұратын 1975 жылы түсірілген лирикалық кинокомедиясы. Телеарнада тұңғыш рет 1976 жылы 1 қаңтарда көрсетілді.
| Тағдыр тәлкегі немесе жеңіл буыңызбен! | |
| Ирония судьбы или с легким паром! | |
| Жанры | |
|---|---|
| Режиссёрі | |
| Басты рөлдерде |
Андрей Мягков, Барбара Брыльска |
| Кинокомпания |
Мосфильм |
| Ұзақтығы |
183 минут |
| Мемлекет | |
| Тілі | |
| Шыққан жылы | |
Мазмұны өңдеу
1 серия өңдеу
Фильм «Кеңес Одағында барлық жерде бәрі де бірдей, біркелкі болуы тиіс, адам қай қалаға барса да өз үйіндегідей сезініп жүруі керек» деген мағынадағы мультипликациялық анимациялардан басталады. Онда түрлі қалалардағы бір типтегі бір-бірімен аттас стандартты көшелер мен архитектуралық жобалар жайлы айтылады.
Мәскеудегі жаңа салынып жатқан ықшамаудандардың біріне (нақты мекен-жайы Құрылысшылардың 3-ші көшесі, 25 үй, 12 пәтер) жақында ғана көшіп келген 36 жастағы бойдақ хирург Евгений Лукашин (немесе Женя) жаңа жылды өзінің сүйіктісі Галямен бірге қарсы алып, үйленуді мақсат етеді. Осыған сөз байласады да, жылдағы дәстүр бойынша жаңа жылдан алдын достарымен моншаға түсуге кетеді. Моншаға түсіп жатып, тоқтаусыз арақ ішеді де, Павликті Ленинградқа шығарып салу үшін әуежайға барады. Ақырында достары Ленинградқа баратын ұшаққа Павликті емес, есін шала-шұрпы ғана білетін Женяны мінгізіп жібереді.
Ленинград әуежайында Женя такси тоқтатып, өзінің Мәскеудегі мекен-жайын айтады. Ленинградта да дәл сондай мекен-жай бар болып шығады да, таксист сонда апарып тастайды. Ойында ештеңе жоқ Женя төртінші қабатқа көтеріліп, есікті өзінің кілтімен ашады да, үйдің ішіндегі заттардың басқашалау екеніне көңіл аудармастан, шешініп ұйқыға бас қояды.
Біраз уақыттан үйдің иесі — мұғалім, 34 жастағы тұрмыс құрмаған қыз Надя келеді. Ол жаңа жылды өзінің сүйікті жігіті Ипполитпен бірге қарсы алуды жоспарлап, дастархан дайындап қойған-ды. Үйінде жатқан әлдебір бөтен еркекті көріп шошып кетеді де, оны Ипполит келгенше оятып, үйден шығарып жібермекке әрекет жасайды. Бірақ Женя дымға түсінбейді, оның ойынша әлдебір бөтен әйел бұның үйіне келіп, мұны мазалап жатыр.
Біразға созылған түсініспеушіліктен соң Женя өзінің адасып осында тап болғанына көзі жетеді. Осы кезде Ипполит келеді де, тағы біраз дау болады. Соңында Женя үйден шығып кетеді. Бірақ Мәскеуге қайтайын десе, қалтасында ақша аз, билетке жетпейді. Қайтадан амалсыз Надяның пәтеріне барып, қалада олардан басқа ешкімді танымайтынын айтып, қарызға ақша сұрайды. Оның тағы келгеніне ашуланған Ипполит қызғанышы оянып, кетіп қалады. Женя оны соңынан қуып, жете алмайды.
2 серия өңдеу
Таң атқанша осы жағдай бірнеше рет қайталанады. Женя бәрібір ол түні Мәскеуге қайта алмай, амалсыз Надяның пәтерінен тамақтанады, екеуі әңгімелеседі, гитарамен кезек-кезек ән айтады. Әңгімелескен сайын Надя мен Женя бір-бірін жақын тарта түседі де, орталарында сезім пайда болады. Әңгіме барысында Надяның Ипполитті сүймейтіні, тек уақыт өтіп бара жатқан соң, әйтеуір біреудің етегінен ұстауға мәжбүр болғандықтан ғана сөз байласып жүргені белгілі болып қалады.
Таң атқан соң Ипполит мас боп келеді. Мас болып отырып, бәрін де бүлдіруге қысқа уақыттың жеткілікті екенін, бәрін де жаңадан бастаудың өте қиын екенін ұғындырады. Содан соң Ипполит ол жерден біржола кетеді.
Женя Мәскеуге қайтып кетеді. Артынша оны Надя іздеп барады. Барса, дәл сол мекен-жай, дәл сондай үй, дәл сондай пәтер, тіпті кілттері де бірдей. Женя екеуі қайта табысады.
Рөлдерде өңдеу
- Андрей Мягков — хирург Евгений Михайлович Лукашин (вокал — Сергей Никитин)
- Барбара Брыльска — Надежда Васильевна Шевелёва (дыбыстаған — Валентина Талызина, вокал — Алла Пугачёва)
- Юрий Яковлев — Ипполит Георгиевич
- Любовь Добржанская — Женяның анасы Марина Дмитриевна Лукашина
- Ольга Науменко — Галя
- Лия Ахеджакова — Таня, Надяның құрбысы
- Валентина Талызина — Валя, Надяның құрбысы
- Александр Ширвиндт — Павлик
- Георгий Бурков —Мишка, Женяның досы
- Александр Белявский — Саша, Женяның досы
- Любовь Соколова — Ольга, Надяның анасы
- Готлиб Ронинсон — әуежайдағы Красноярскіге ұшатын жолаушы
- Эльдар Рязанов — ұшақтағы жолаушы
Түсірілім өңдеу
- Фильм Мәскеудегі Бернадский даңғылындағы үйлерде бірінде түсірілген. Бұл көшеде бір-біріне ұқсас салынған үш ғимарат бар-тұғын, бірін (125-ші үйді) Женяның үйі ретінде, екіншісін (113-ші үйді) Надяның үйі ретінде таңдайды. 2007 жылы 29 желтоқсан күні бұл үйлерге Эльдар Рязановтың қатысуымен ескерткіш тақта қойылды.
Басқа да фактілер өңдеу
2007 жылы режиссер Тимур Бекмамбетов «Тағдыр тәлкегі. Жалғасы» атты фильм-сиквел түсірді.
Сілтемелер өңдеу
- Бұл киноны біз не үшін жақсы көреміз?(қолжетпейтін сілтеме)