Тереза Мэй

Тереза Мэй (ағылш. Theresa Mary May, бикештік кезінде Брейзер (Brasier); 1 қазан 1956, Истборн, Шығыс Суссекс, Ұлыбритания) — британдық саясаткер, ішкі істер министрі (2010—б.к.), әйелдер және тең құқықтық істер министрі (2010—2012), Қауымдар палатасының мүшесі (1997—б.к.), Консервативті партиясының мүшесі.

Тереза Мэй Theresa May
Лауазымы
Ту Ұлыбритания премьер-министрі Ту
13 шілде 2016 — 24 шілде 2019
Ізашары	Дэвид Кэмерон
Ізбасары	Борис Джонсон
Ту Ұлыбританияның консервативті партиясының көшбасшысы
11 шілде 2016 — 23 шілде 2019
Ізашары	Дэвид Кэмерон
Ізбасары	Борис Джонсон
Ту Ұлыбританияның ішкі істер министрі
2010 жыл, 12 мамыр — 13 шілде 2016
Ізашары	Алан Джонсон
Ізбасары	Эмбер Радд
Ту Ұлыбританияның әйелдер және тең құқықтық істер министрі
12 мамыр 2010 жыл — 4 қыркүйек 2012 жыл
Ізашары	Гарриет Гарман
Ізбасары	Мария Миллер
Ту Қауымдар палатасының мүшесі
1997 жыл, 1 мамыр
Өмірбаяны
Партиясы	Консервативті партия
Білімі	Оксфорд университеті
Діні	Англикандық
Дүниеге келуі	1 қазан 1956 (1956-10-01) (68 жас) Истборн, Шығыс Суссекс, Англия
Туған кездегі есімі	Тереза Мэри Брейзер (ағылш. Theresa Mary Brasier)
Жұбайы	Филип Мэй

Өмірбаяны

География бакалавры дәрежесінде Оксфорд университетін тәмамдаді. Англия банкінде және Лондонның өзін-өзі басқару органдарында жұмыс атқарды.

Саяси мансабы

North West Durham округінде 1992 жылдың парламенттік сайлауына және Barking округінде 1994 жылдың кезектен тыс сайлауына қатысқан, бірақ сәтсіз.

1997 жылдың сайлауында Беркширдегі Мэйденхэд жаңа сайлау округінен Британ парламентіне катысты Қауымдар палатасының мүшесі ретінде бірінші рет сайланып, сол жылдан бастап үнемі қайта сайланады.

1997—2002 жылдар аралығында консерваторлардың көлеңкелі үкіметінде екінші дәрежедегі қызметтер атқарған. 2002 жылы Консервативті партияның алғашқы әйел-төрағасы ретінде сайланды және партия көшбасшынымен салыстырғанда, консерваторлардың жұмыс атқаруын қамтамасыз ететін техникалық мәселелермен айналысты.

2003—2005 жылдар аралығында көлеңкелі транспорт министрінің және көлеңкелі азық-түлік және экология министрінің міндеттерін орындаған. 2005 жылдың мамырынан желтоқсан айына дейін мәдениет, БАҚ және спорт көлеңкелі министрі болған. көлеңкелі. 2005 жылдың 6 желтоқсанында Қауымдар палатасының көлеңкелі көшбасшысы ретінде тағайындалды. 2009—2010 жылдар аралығында еңбек және зейнетақы көлеңкелі министрі қызметінде болған.

2016 жылдың 5 шілдесінде, Консервативті партияның парламентарий-консерваторлар көшбасшылары сайлаындағы бірінші кезеңнен кейін Тереза Мэй 165 дауыс жинап, жеңіске алғашқы үміткер ретінде атанды.. Ал 7 шілдеде, британ консерваторларының басшысы және ел премьер-министрі орынын иеленуге ұйымдастырылған бәйгенің финалына екі әйел шықты  — Тереза Мэй, 199 парламентарийдің қолдауына ие болды, және 84 дауыс жинаған энергетика министрінің орынбасары Андреа Ледсом.

2016 жылдың 11 шілдесінде Ледсом өз кампаниясын аяқтағаннан кейін, Ұлыбританияның премьер-министрі Дэвид Кэмерон Тереза Мэйді өзінің ізбасары ретінде жариялап, өз өкілеттілігін 13 шілде күні Мэйге тапысратынын айтты. Осылайша, Тереза Мэй Ұлыбритания тарихындағы Маргарет Тэтчерден кейінгі премьер-министр қызметін атқаратын екінші әйел.

Жеке өмірі

Тұрмыста 1980-ші жылдан бастап, жұбайы — Филип Джон Мэй, 2016 жылдан бастап Capital Group Companies компаниясының қызметкері. Балалары жоқ.

2012 жылдың қарашасында Тереза Мэй қант диабетінің 1-ші типімен ауыратыны анықталды. Ол инсулин инъекцияларымен емделіп жүр.

Сыртқы сілтемелер

• Ресми сайт.
• Консервативті партияның сайтындағы өмірбаяны. Мұрағатталған 16 ақпанның 2010 жылы.
• Home Office (ішкі істер министірлігі) саытндағы өмірбаяны. Мұрағатталған 16 мамырдың 2010 жылы.