Хангелді Бөріұлы

Хангелді Бөріұлы - 1804 жылы туып, 1885 жылы дүниеден өткен. Ақмола округіне қарасты Тама болысының басқарушысы болған. Тама тайпасының Жөгі атасынан, Сеңгірбек руынан. 1849 жылы Тама болысының басқарушысы болып сайланған. Хангелді туралы "Қазақ рулары: Этникалық зерттеулерде" кітабында, Пернебай Дүйсенбиннің "Үркердей болып көшкен жұрт" жинағында және Берік Шаханұлының шығармаларында жазылады.

Ол жөнінде 1848 жылғы 28 қаңтардағы – Сібір қазақтары шекаралық басқармасының бастығы генерал-майор Н.Ф.Вишневскийге Ақмола ішкі округтық приказының (1847 жылға) хабарламасында "Хангелді Бөрин, 45 жаста. Сыпайы, мейірбан. Орта күйі, жағдайы бар. Тама болысынан, әліп руынан. Манақа, Сарысу өзендері мен Қараағаш мекенінде жайлайды, қыстауы – приказдан 400 шақырым жердегі Атасу өзені бойында" деп жазады.

Ал, 05.03.1851 жылғы хабарламада: "Хангелді Бөрин, 46 жаста. Іші бауырыңа кіріп тұрады, сыпайы. Жағдайы - орташа. Әліп руынан. 16.12.1849 жылдан Тама болысын басқарады. Өзін қалыпты ұстайды. Жазда Манақа, Сарысу өзендері бойымен Қарағаш шегінде, қыста Атасу өзені бойында" деп көрсетеді.

Оның ұрпақтары қойған белгітастағы 1823 жылы туған деген мәлімет жаңылыстықтан туған. Одан соңғы болыс Нұрша Қылышұлы 1852 жылғы 20 қазанда бекітілген. [1]

Дереккөздер өңдеу

  1. Н.Рахымжанов. "Жетіқоңыр: Жиделі және Жайылма"