Шалқия полиметалл кен орны
Шалқия полиметалл кен орны - Қызылорда облысының Жаңақорған ауданы жерінде орналасқан. 1963 жылы ашылып, 1976 жылы барланған.
Геологиялық құрылымы өңдеу
Кен ақұйық синклиналының солтүстік-батыс бөлігінде, жоғарғы девонның фамен шоғырының кремнийлі доломиттерінде орналасқан. Жарылыстар арқылы төрт блокқа бөлінген. Өндіруге тұрарлық кентас, ұсақ брахиқатпарларға жиырылған грабен түрінде келген орталығы блокта. Сеппе, тарамша түріндегі қорғасын-мырыш кентасы күшті кремнийленген доломиттер қабатшаларында шоғырланған, қалыңдығы бірнеше метр. Жоғарғы және төменгі аталатын қабат пішінді кентас денелерінде.
Жатыс сипаты өңдеу
Оңтүстік-шығысқа қарай сүйір бұрышпен еңістенген кентас денелері бір-бірінен қалыңдығы ондаған м бөгде тау жыныстарымен бөлінген. Кеннің негізгі қорларының шоғырлары орташа тереңдіктерде. Кенді ашық әдіспен өндіріп, қос сатылы флотация арқылы қорғасын мен мырыш концентраттарын алуға болады. [1]
Дереккөздер өңдеу
- ↑ Қазақ энциклопедиясы, 9 том 18 бөлім
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |