Жәнібек Тархан Қошқарұлы

(Шақшақ Жәнібек бетінен бағытталған)


Жәнібек Тархан Қошқарұлы, Шақшақ Жәнібек (1693 — 1752, Қостанай облысы Жангелдин ауданы Тосын құмы) — қазақ халқының жоңғар шапқыншылығына қарсы азаттық күресінің қаҺарманы. Орта жүз құрамындағы арғын тайпасының момын руынан шыққан. Атасы Шақшақ АманжолұлыЕңсегей бойлы Ер Есім” атанған атақты Есім хан қолбасшыларының бірі болған. Жәнібек Тархан 1710 жылы он жеті жасында Тәуке ханның қолымен бірге жауға шауып, жекпе-жекте қалмақтың бас батырын өлтірген.

Жәнібек Тархан Қошқарұлы
Дүниеге келгені: 1693
Қостанай облысы Жангелдин ауданы
Қайтыс болғаны: 1752
Мансабы: Қазақ батыры

Абылай ханның тұсында қол бастап, ханның негізгі кеңесшілерінің бірі болған, ел басқару және мемлекетаралық қатынастарға белсене араласқан.

Алғаш рет 1717 жылғы Аягөз маңындағы шайқаста 24 жасында қол бастап, ерлік көрсеткен. 1723 жылдан бастап Жәнібек Тархан бір жағынан, Кіші жүз жасақтарына көмектесіп Еділ қалмақтарымен, екінші жағынан, Бөгенбай, Қабанбай, Малайсары, Райымбек, Өтеген батырлармен бірге оңтүстікте жоңғар шапқыншылығына тойтарыс беріп отырды. 1726 жылы Ордабасыдағы ұйғарымнан кейін құрылып, Сарысу өзенінің Бұланты саласының бойында жоңғарларға ойсырата соққы берген біріккен қазақ жасағының құрамында Орта жүз әскерлерінің ең ірі қолын Жәнібек Тархан басқарған. Ел жадында сақталған аңыз әңгімелер бойынша, Төле бидің түйесін бағып жүрген Сабалақтың (болашақ Абылай ханның) Ташкентті билеген Уәли сұлтанның баласы екенін алғаш жария еткен де, Абылай хан тағына отырғанда оған бата берген де Жәнібек Тархан болған. Ол 1740 — 1741 жылы жоңғар қоңтайшысының тұтқынындағы Абылайды құтқарып алуда да ерекше дипломатиялық шеберлік танытқан. Орынбор комиссиясының бастығы И.И. Неплюевпен арадағы қатынасын ұтымды пайдаланып, жоңғар қоңтайшысына арнаулы елшілік шығартқан, бұл іске Әбілмәмбет, Әбілқайыр хандарды да араластырып, ақыры Абылайды басқа адаммен аманатқа ауыстырып алған. Жәнібек Тархан 1732 жылы жеті мың қолдық жоңғар әскерлері Орта жүзге шабуыл жасағанда қазақ әскерлеріне басшылық еткен. Жәнібек Тархан бастаған қазақ жасақтары саны жағынан анағұрлым басым басқыншыларға тойтарыс береді. Бірақ үздіксіз шапқыншылықтан әбден титықтаған Қазақ елі Ресей патшасынан көмек сұрауға мәжбүр болады. Жәнібек Тарханның қазақ даласының тұтастығы мен елінің еркіндігі жолындағы саяси күресінің елеулі белестері осы кезеңде басталды. Абылай хан да, Жәнібек Тархан да Ресей мемлекетінің қазақ жеріне бекіністер салуына үзілді-кесілді қарсы шыққандарына қарамастан 1740 жылы шекара комиссиясының бастығы В.А. Урусовпен қазақ-орыс сауда қатынасын орнатуға, саяси байланыстарды одан әрі нығайтуға бағытталған келіссөздерге қатысқан. Ресей әкімшілігі Орта Азиядан Орынборға қатынап тұрған сауда керуендерінің қауіпсіздігін қамтамасыз етуді Жәнібек Тарханға жүктеген. Кейін Жәнібек Тархан да Абылай сұлтан, Әбілмәмбет хан, Қабанбай, Бөгембай батырлармен бірге Орта жүздің Ресейдің қол астына өтуін ресми тіркеген құжатқа қол қойды. Осы тұста, 1743 жылы 11 шілдеде Ресей патшайымы Елизавета Петровнаның жарлығымен Қошқарұлы Жәнібекке тархан атағы берілді. Орта жүз хандығының билігі Абылайдың қолына көшкеннен кейін Жәнібек Тарханның өкілдігі де жоғарылады. Ш.Уәлихановтың пікірінше, Жәнібек Тархан көп тыңдап, аз сөйлейтін, ердің құнын екі ауыз сөзбен шеше алатын әділ де шешен адам болған. Жәнібек Тарханның үлкен бәйбішесі — Тұрсынбай датқаның қызы, екінші әйелі — Әйтеке бидің қызы, үшіншісі — қалмақ ханының қызы, кіші әйелі — Қосым батырдың қызы. Бұлардан тараған Дәуітбай, Жауғашар, Ақпанбет, Тоқпанбет, Деріпсалы, Тоқтамыс ұрпақтары қазіргі уақытта, негізінен, Қостанай облысы Жангелдин ауданында тұрады. Жәнібек Тарханның мәйіті Түркістанға жеткізіліп, Қожа Ахмет Иасауи кесенесіне жерленген. Батыр есімі Бұқар жырау, Тәтіқара ақын, Абыз әулие жырларында кездеседі. Халық ақыны Иманжан Жылқайдаровтың жырлауында бізге жеткен “Шақшақ Жәнібек батыр” жырында, Көкбайдың “Абылай” дастанында Жәнібек Тарханның ер тұлғасы нанымды сомдалған. 1993 жылы Арқалық қаласында батырға ескерткіш орнатылды. [1]

ҚосымшаӨңдеу

Жәнібек Тархан

Жәнібек би Қошқарұлы - 1693-1752 жылдары Қазақтың атақты ұлы биі. Ел арасында, тарихи Жәнібек, Тархан Жәнібек, абыз Жәнібек, Ер Жәнібек би деп атайды.

Шынында ол сондай сегіз болыпты. Қазақтың шежіре - тарихында бірнеше

  1. Әз-Жәнібек -1406-1473 ж.ш. өмір сүріп, хан шешеннің замандасы.
  2. Шақшақ Жәнібек - біз әңгіме етіп отырған қарұлы.
  3. Жәнібек Сұлтан - Өске әулетінен шыққан Кіші жүз Ханның күйеу баласы.
  4. Божбан Жәнібек - орта жүздің Қоңырат оның лығынан шыққан би.
  5. Керей Жәнібек Бердәулетұлы - Керей еліне билік Бердәулет батырдың әйелі атақты Қаз дауысты Қазыбектің-^ОИИИвекен Жәнібек би содан туыпты.
  6. Жәнібек батыр Әлібиұлы - жоңғар, қалмақ шабуылы атырабындағы шайқастарға қатысып, асқан ерлік көрсеткен ерлігі жөнінде халық ақыны Орынбай Таймановтың дастаны бар.

Шақшақ Жәнібек Торғай облысындағы Тосынқұм даласында, Жәнібек (Батыс Қазақстан облысы)нда дүниеге келген. Қазақ шежіресінде оның ат таратылады; Жәнібектің ұлы аталары - бабасы Шақшақ, одан Көшей, Дүзей, Бақай, Томай, Есназар және Ақназар, өз атасы тарайтын ұрпақтар - Қарабас, Қошқар, Аю, Тінет, Еламан және Қалқаман Жәнібек Қошқардың Тінібек пен Тұрлығұлдан кейінгі үшінші, кенже баласы.

Тарихи деректерде және ауызекі әңгімелерде Қошқарұлы Жәнібек деген тіркес сирек айтылады. Ол көпшіліққе Шақшақ Жәнібек деген атпен мөлім. Жәнібек - жеті атасынан батыр болған адам. Түпкі аталары Белтірік пен Шағыр ерлікте жұбын жазбай өткен ерен тұлғалар болтан. Шагырдан туатын Аманжол, Сомжүрек ел намысын бөрінен биік ұстап өткен жандар. Аманжолдың ортаншы ұлы - Шақшақ - әйгілі Есім ханның түсындағы қазақтың бетке ұстар батыры.

Шақшақ батыр жорыққа он алты - он жеті жас шамасында қатыса бастапты. Бұл тұста қазақ қолы Еділдің бергі бетіне жетіп іркілсе ,кЦпк. Аржақта бұлардың келуінен бейхабар жау өскері жатады. Асау өзерг» рілғаш ат қоятын жүректі жан шыға қоймай, бергі беттегілер аз-кем. Сол сәтте ала тай мінген бала жігіт өткелге бірінші болып қойып кетеді. Онысымен қоймай бұрын-соңды естілмеген ұранды ауызга алады:

- Аманжол, Аманжол! кешкен. оны Шақшақ Жәнібек, азамат ше

Жас жігіттің соңынан бәрі ат қояды. Сол жолы бұлар жау жасагының тас-талқанын шыгарды. Жеңіс қызығы басыла бастаған тұста ғана манаты жас батыр еске түседі. Беймәлім ұранның иесі кім екенін жұрттың білгісі келеді.

Сөйтсе, бұл жігіт кіші Арғыннан тарайтын Ермен әулетінің үшінші ұрпағы - Шақшақ екен. Ал, ол ұран еткен Аманжол - баланың өз әкесі болып шықты. Сол күннен бастап тоқал шешеден тарайтын Арғын рулары үшін Аманжол ұранға айналады. Бұрын олар басқа арғындар секілді Ақжол ата есімін дабыл етіп келген еді.

Алғашкы қадамынан-ақ көзсіз ерлік танытып, жаудың бас батырын найзаға іліктірген Шақшақ Есім ханның ерекше құрметіне бөленеді. Бірте-бірте ол сол дәуірдің бас батырына айналады.

Жәнібектің одан кейінгі атасы - Көшей нар тұлғалы, болмыс-бітімі ерекше болған адам көрінеді. Оның сирек қоздалатыны, томырық мінезі жайлы аңыз көп.

Ел аузында "Жау шанса да, Көшей саспайды" деген сөз содан қалған. Тағдырдың нұры бұл кісінін ерекше қасиеттері жетерлік екен. Шақшақ батыр өзінің айтулы замандастарының бірінің қызына құда түсіп, қызға өзінің алты ұлының ішінен қалағанын таңдауға ерік береді. Алтауы да ақберен жігіт, басқа бесеуінің жауынгерлік даңқы атырапқа жайылып жатса да, қыз Көшейді таңдайды. Қыздың жеңгесі:

- Сен Шақшақтың батыр ұлдарының бірінің етегінен ұстамай, мал соңында жүретін нөуетек Көшейге неге қызықтың? - деп кінөлағанда, кыз:

- Сендер ештеңе анғармайды екенсіңдер ғой. Көшей қой бағып жүргенде, оның үстінен үнемі ақбауыр бұлт ере көшіп жүреді. Аспан мен жерді жалғастырған өңге жанды көрген емеспін, - дейді.

Көшейдің екінші әйелі - қалмақ қызынан туатын балалары Қарабас, Қошқар, Аю - үшеуі де ата жолын қуып, жауынгерлік жорық үстінде шыңдалған. Тағдырдың өзі сыйға тартқан ерлік жолы ұрпақтан-ұрпаққа жалғасып отырған. Қошқардан туған үш ұл - Тінібек, Тұрлығүл және Жәнібектің алғашкы екеуі талай майданға қатысқан айтулы батыр.

Жәнібек жас кезінде елі өзінің нағашысы ұлы жүз Бектас қарияға келеді. Ол кісі он екі айғыр үйір жылқыдан таңдап жүріп, бөсіре ат мінгізеді. Бесті құрық тимеген асау күреңді мініп, енді Жәнібек қаракерей соқыр»» келеді. Бұл кісі сол кездегі Орта жүздің батагөйі болса керек. Мән-жайды білгеннен кейін 125 жасар қария:

- Ел бастап жұрт сүйем деген ұл екенсің!

Сөз бастап би болайын деген ұл екенсің!

Алдыңа келсе, әділдігіңді аяма

- аймағың кетпес алдыңнан, қол бастап жол алайын деген ұл екенсің.

Жолдастың мыңын алма, бірін ал

- мың кісіге бір кісі олжа салатұғын, олжаңды аямасаң

- жолдасың кетпес жаныңнан.

Жас күніңде қалың бер де қатын ал, жігіттің хан болатын,

Қыздың ханым болатын уақыты сол, - деп батасын беріпті де, Абыз баба сөзінің соңын былайша термелеп:

Келіп түрмын жүз жиырма беске балам,

Ең ақырғы батам, есті, балам.

Қолың жай батама балам Риза бол атаңа балам.

Бағың жоғары өрлесін балам,

Дұшпаның шеніңе келмесін балам,

Абыройың таймасын балам,

Басыңа дәулет құс ойнасын балам.

Лұкмандай милы бол балам

Залдан да терең ойлы бол, балам

Сабырлыққа Аюдай бол, балам

Рүстемдей батыр бол, балам

Дәулеттей үлды бол, балам,

Талқадай тілді бол, балам

Мұхаммедтей көзді бол, балам

Әділ, тура сөзді бол, балам

Омардай қара қылды қақ жар, балам,

Ғазрет Ғалидай топ жар, балам.

Ағзамдай дана бол, балам

Ғазалидей аш-арыққа пана бол, балам.

Атымтайдай жомарт бол, балам,

Хосраудай намарт бол балам

Қобыландыдай қайтпас батыр бол, балам.

Тарғындай жараға жатпас бол, балам

Алпамыстай даңқты бол, балам,

Қамбардай халқыңа қамқор бол балам - деп Зал алды жақын:

Тышқан да інінің

Аруақтар сақтасын, балам

Бөле-жала таппасын, балам

Ордамыз Түркістан, балам

Мәселің қайтпасын ұрыстан, балам - деп бата беріп қайырыпты.

Қошқарұлы Жәнібек он үш жасында Қара биден бата алып жолға шығады. Бірақ сәті түспей, екі ел арасында үлкен ұрыстың арасынан өте алмаған бозбала Жәнібек соғыстың тоқтағанын күтіп, арада үш жыл өтіп кетеді, Қара биге келіп сәлем береді. Қара би оның сәлемін қабыл алып:

- Әй, мен сені осыдан үш жыл бұрын күтіп едім, -деп сұрайды. Жәнібек болтан оқиғаны айтады.

- Е, онда жөн басқа, - дейді Қара би. - Менде қандай

Бедері жоқ қамқадан,

Берік тоқылған бөз артық.

Бірлігі жок туыстан,

Берік сөйлеген жат артық.

Пайданы алыстан қылғайсың,

- Оны өзіңіз де сезіп отырған шығарсыз. Маған керегі дейді Қошқарұлы Жәнібек. Сол кезде би қолын жайып: Оны да есіңе алғайсың - деп батасын беріпті.

"Белгілі батыр, әрі шешен Шақшақ Жәнібек Төле биге сәлем бере келіп:

- Түзу мылтық, ұшқыр құс, жүйрік ат, мақтаншақ жігіт, ұрыншақ ат жидым. Бозбала болып ерлік қылайын ба, үлгі алып, билік құрайын ба? Елінде кәрің болса - жазулы хатың, жайлаған көліңнің алдында төбе болса

- ерттеулі атың деуші еді, ақыл сұрай келдім - депті.

Сонда Төле би:

- Өгізді өрге салма - қанатың талар, наданға көзің салма - ?.

Досыңа өтірік айтпа - сенімің кетер, дұшпанға сырыңды айпта түбіңе жетер.

Қару жисаң - мылтық жый, жаяу жүрсең - таяғың, қарнын ашса - тамағың.

Ит жүгіртіп құс салсаң - әуейі боларсың.

Әйелі көпке қызықпа, тектіні ал.

Мақтаншақ жігіт жисаң - ұятқа қалдырар.

Ұрыншақ ат - жаз жарға жығар, қыс қарға жығар.

Тұмау түбі құрт болар, тұман түбі жұт болар.

Елге бай құт емес, би құт.

Қабырғадан қар жауса - атан менен нарға күш, ел шетіне жау келсе батыр менен биге күш

Өйстіп отырғанша, бір нәрсеге жарап отыр-кәсіп болмай, нәсіп болмас. Менен ақыл сұрасаң, айтарым осы" деген екен.

Ал, Қаз дауысты Қазыбек би Жәнібек батырдың тәкаппарлығына шағынған Әбілмәмбет ханға (кейбір сөзде Барақ сұлтан деп те айтады) былай деген екен:

Түркістанда түмен бал, балам.

Самарқандта савез бал, балам,

Отырарда отыз бал балам

Ең үлкені Арыепця бепбалам,

Ел бастыгы Едіге, бехам.

- Дұрысына келсең, Жәнібекке қара да, төре де бөрібір. Төреге илікпейтіні - төрелердің айдап әкелген елі, арқалап әкелген жері жоқ. Қарата илікпейтіні - қанша бай, қанша көп болса да мал мен жанды ұстауға ақыл, білік және күш қатар керек. Мен көрген қазақта осы үшеуі Жәнібекте ғана бар. Сондықтан да, төренің де, қараның да күні Жәнібекке еркісіз түседі [2].

Ол 17-18 жасында Абылай хан бастаған жасақта болып, жоңғар, қалмақ шапқыншылығына қарсы жорық, соғыстарға қатысып ерлік көрсеткен. Сөйтіп Абылай ханның жеңімпаз, сенімді батырларының бірі болған. Кейін Жәнібек Орта жүз бен Кіші жүз қазақтарының саяси өміріне белсене араласқан. Қазақтармен Ресей патшалығы арасындағы келіссөздерге қатысып, шешуші рөл атқарған. 1742 жылы қазақ шонжарлары арасынан бірінші болып Ресей патшалығынан тархан атағын алған. Патша өкімшілігі Жәнібек тарханға Орынбор мен Орта Азия арасында қатынап тұрған сауда керуеннің қауіпсіз болуын жүктеген. Ол бұл сенімді мүлтіксіз ақтап отырған Жәнібек би Кіші жүздің Нұралы ханымен тығыз қарым-қатынаста бол-ған, орыс патшалығы жене қалмақпен келісім кезінде ол Нұралымен тізе қосып, келіссөз жүргізген. Орта жүз бен Кіші жүздің ел басшылары көбіне Жәнібек би мен Нұралы хан ықпалында болып келген.

Жәнібек Қошқарұлы әсіресе Жоңғар шапқыншылығы түсында атағы шығып, абыройы арткдн батырлардың бірі болды. Оның ерлік өнегесі, ақпатөкпе шешендігі, билігі мен білгірлігі жайлы ел аузында қалған аңыз да аз емес.

Жәнібек Тархан жайлы халық аузынанӨңдеу

Жәнібек Тархан жайлы аңызӨңдеу

Абылай хан Жоңғар шапқыншыларымен соғысып жүргенде, он сегіз жасар Жәнібек жауды артынан қуа жөнеледі. Келсе, қазақтар бытырап, аты барлыққан Абылайға жаулар жақындап қалған екен. Жәнібек атынан түсіп, астындағы көк дөненін ханға көлденең тартады.

- Қарағым-ай өзің қайтесің? - дейді Абылай.

- Сіз қолға түссеңіз, ел басшысыз қалар. Мен қолға түссем қазақтың бір әйелі ұл табар, - дейді жігіт.

Абылай тың атты мініп, құтылып кетеді. Бір қалмақтың атын аударып мініп, қоршаудан Жәнібек те аман шығады.

- Бала, ат бергеніңнен сөз бергенің асты ғой, осы жолғы олжаның басы сенікі, Кене, менен бір қалағаныңды алшы? - депті хан Жәнібекті ұрыстан кейін тауып алып.

Абылай екі айтқанда үндемей, үшінші айтқанда Жәнібек:

- Тақсыр бір басыма жетерлік дәулетім бар, оң тізеңізден орын берсеңіз болады, - дейді.

Жәнібек Тархан жайлы аңызӨңдеу

Бірде қалмақтың ханы Цеван Рабдан Абылайға кісі салыпты:

- Абылай екеуміздің таласымыз дін емес, дүние ғой. Дүние үшін жұртымызды қырылыстырмайық! Мен жекпе-жекке өзіме қараған қалмақтан бір сырттан шығарайын. Абылай да өзіне қараған халықтан осындай бір мықтысын шығарсын. Менің кісім Абылайдың шығарған кісісінен күші басым түсіп өлтіріп кетсе, малдан, жаннан екі қолды төбеге қойып Абылай безіп шықсын. Ал менің адамым жеңілсе - мен безіп шығайын - дейді.

Абылай бұған келіседі. Қалмақтың бұрыннан белгілі бір сырттаны бар екен. Жолбарысты құйрығынан ұстап алып жерге бір-ақ қойып өлтіретұғын күші бар екен. Абылай өз адамдарын бұлайша сынап көрмепті. Ойлап-салмақтап көрсе Шақшақ Жәнібектің бейнесі көз алдына орала береді.

Сөйтіп, Жәнібекке ертең қалмақтың сырттанымен жекпе-жекке шығасың деп айтып қояды. Сол күні Жәнібек түс көріп, шошып оянады.

Ертеңіне ертелеп Женібек ханға келеді. Басқа сөз басталмай тұрып, Абылай Сейіт атты атшысын шақырып:

- Нар қызыл атымды есік алдына алып кел, - дейді.

Хан тапсырмасы табан астында орындалады. Ат көлденең тартылған сон Абылай Жәнібекке:

- Жай қолыңды, - дейді содан кейін барып, - жақсы түске де садақа, жаман түске де садақа деуші еді. А, Құдай, батырдың түсін мен неге жорысам, сен соған қабыл қыл, - депті.

Атты сойдырып, оның етін табан астында таратқызып жіберіпті. Содан кейін барып: - Айт батыр, түсіңді - деп Жәнібекке қарапты.

- Түсімді айтсам, қалмақтан жекпе-жекке белен деген жайсаң шықты да, бұл жақтан мен шықтым. Екеуміз шартпа-шүрт болып қалғанда, мені ол найзамен шаншып түсірді. Кеудеме атша мініп, тамағымнан кесуге ыңғайланғанда, енді бауыздап тастайды-ау деп кеудеме қарасам, оң емшегімді бір айдаһар жылан еміп жатыр екен. Сол емшегімді бір айдаһар еміп жатыр екен. Шошып ояна келсем түсім екен. Көргенім осы дейді. Сонда Абылай:

- Түсің түс-ақ екен. Мұнан жақсы түс болушы ма еді. Түсіңде ол сені шаншып түсірсе, өңіңде сен оны шаншып түсіресің. Түсіңде ол сенің кеудеңе мінсе, өңіңде оның кеудесіне сен мінесің. Түсіңде сенің өңешіңе ол қылыш таяса, өңіңде сен оның өңешіне қылыш таяйсың. Оң емшегіңді еміп жатқан айдаһар өзіңнен туған ұлдың кеудеңде ойнақтағаны. Сол емшегіңді емген айдаһар - өзіңнен бір қыз туып, одан туған жиенің де айбынды ұл болады екен. Өсіп-өнгелі тұрсың, батырым. Мына жекпе-жек сенің даңқыңа даңқ қосады, - дейді.

Түсінен тұңіліп оянған Жәнібектің хан сөзін естігеннен кейін қорқынышы қашып, жүрегі тасып кетеді. Қайрат-қуаты бұрынғысынан да басым болып кеткенін сезеді. Сол жерде атын алдырып:

- Жекпе-жек, жекпе-жек! - деп айқайлап шыға келеді. Қарсы келген қалмақ батыры Жайсанның құты қашып кетеді. Айқасып қалған сәтте Жәнібек оны найзаға шаншады. Үстіне аттай мініп, тамағына қылышты тигізер-тигізбесте қалмақ "тоқта" дейді.

- Түнде түсті сен де көріп едің, мен де көріп едім. Сені мен алып едім- ау, алып табан астына салып едім-ау. Сенің түс жорушың жақсы жорыған- дықтан, менің түс жорушым дұрыс айта алмағандықган алып кеттің, - дейді.

Осыны естіген Жәнібек басын кесуге қимай, қолынан ұстап жетектеп Абылай ханға алып келеді. Ол жауына да осылай мөрт болған.

Айтты-айтпады, Жәнібектің ұрпағының қай-қайсысы да ту ұстаған батыр болды, қызынан туған жиендері - Сандыбай мен Шөңкі елді аузына қаратқан атақты билер болды.

Жәнібек Тархан жайлы аңызӨңдеу

Жәнібек қартайып, балаларына еншісін үлестіріп жатқан тұста, сонау Ертіс бойынан Абақ Керей Бердәулеттің баласы Жәнібек те жетеді. Он сегізге енді толып, мұрты біліне бастаған жасөспірім:

- Ата, атым да, затым да сіздікі, менің де еншімді бересіз, - дейді.

Барлығын бел балаларына үлестіріп беріп болған батыр, сөл мүдіріп қалады. Сол сәтте кенже баласы, қара шаңырақ иесі Тоқтамыс тұрып.

- Айтқаны жұмбақ болса да, алыстан ат терлетіп келуі тегін емес.

Іні үлес сұраған да, ырыс бөліспесек жөн болмас. Бұл жігітке, бала болса да сіздің сауытыңыз бен найзаңыз қолайлы көрінеді - деп жөн танытады. Шақшақ Жәнібек өзінің сенім артқан баласы Тоқтамыстың осы уәжіне де, алыстан келген жігіттің сөз саптасына да ырза болады.

Кіші Жәнібектің ұлы атасынан енші сұрауының да реті бар екен. Абақ Керейдің арқа тұтар азаматы Бердәулет батырға Жәнібек батасын беріп, өз есімімен атандырған баласы екен. Жасөспірімнің аяқ алысының кесектігіне көңілі толған Жәнібек оған арнайы қонақасы беріп, әңгімелеседі.

Кіші Жәнібек сыр тартады:

- Ата, ерлігіңіз көп қой, бірақ соның зорын айтыңызшы - деп қолқалайды.

- Жауға қарсы қол бастағаным, тоғыз қабат шепті бұзғаным ерлік емес, заман жүктеген тірлік қана деп білемін. Менің өзіме-өзім риза болған ерлігім мынау, - деп үлкен Жәнібек мүлде тың жағдайды баяндауға кіріседі.

- Өзі місе тұтқан ол ерліктердің бірі - Қабанбай батырдың тапсырмасымен көрдің бет ағашын алуы.

Екіншісі: ұйықтап жатқанда кеудесіне өрмелеп, аузына кіре берген нән шұбар жыланның басын шайнап тастауы екен.

Үшіншісі: елуге тақаған тұста шешекке ұрындым. Бүкіл денемді кызыл шақа жара басып, күлдіреп кетті. Қышығанын былай қойғанда, шешінудің өзі бір азап болды. Әр жолы бір қабат терім сыпырылып түсіп жүрді. Сонда да денеме алты ай қыста бір қол тигізбедім, - дейді.

ҚорытындыӨңдеу

Сонымен Шақшақ Жәнібек 1752 жылы Торғай даласының өзі туып өскен Тосын құмындағы ауылда дүние салған. Бұл ауыл бүгінде Жәнібек аталады. Үрім-бұтақтары басына ескерткіш орнатып, ел қорғаудағы ерен ерлігі мен еңбегін еске алып, тағызым етіп тұрады.

Тархан Жәнібек би туралы кезінде Шоқан Уәлиханов және орыстың бірқатар зерттеушілері пікір айтқан. Тәттіқара, Бұқар жыраулар, Шәкәрім Құдайбердиев, Мағжан Жұмабаев, Нұрхан Ахметбеков, Сырбай Мәуленов, Ғафу Қайырбеков тағы да басқалары өлең-дастан арнап, мақалалар жазған.[3]

ДереккөздерӨңдеу

  1. Абай. Энциклопедия. – Алматы: «Қазақ энциклопедиясының» Бас редакциясы, «Атамұра» баспасы, ISBN 5-7667-2949-9
  2. "Торғай таны" 1992 жыл, 14 мамыр
  3. Даланың дара ділмарлары.-Алматы: ЖШС "Қазақстан" баспа үйі", 2001, - 592 бет. ISBN 5-7667-5647