Қайыржан Кәрімұлы Тілеубергенов

Қайыржан Кәрімұлы Тілеубергенов - 1955 жылы 7 қарашада Қарағанды облысы Шет ауданының Ақсу-Аюлы ауылында туған. Қазақ. Қарағанды мемлекеттік университетін бітірген (1981), тарихшы, тарих және қоғамтану оқытушысы. Қазақ, орыс және ағылшын (сөздікпен) тілдерін біледі. Арғын тайпасы Қаракесек руы Сарым бұтағынан шыққан.

• 1972 жылдан - Қарағанды облысы Шет ауданының «Нұраталды» кеңшары жөндеу шеберханасының токары.
• 1974 жылдан - Кеңес Әскерінің қатарында қызметте.
• 1976 жылдан - Қарағанды мемлекеттік университетінің студенті.
• 1981 жылдың тамызынан - Қарағанды облысы Ақадыр ауданының М. Мәметова атындағы ОМ мұғалімі.
• 1981 жылдың желтоқсанынан - Қазақстан ЛКЖО Шет аудандық комитетінің бөлім меңгерушісі.
• 1984 жылдан - Қазақстан Компартиясы Шет аудандық комитетінің нұсқаушысы, парткабинет меңгерушісі.
• 1990 жылдан - Қарағанды облысы Шет ауданының «Просторненский» кеңшарының партком хатшысы.
• 1991 жылдан - Қарағанды облысы Шет аудандық әкімшілігі басшысының көмекшісі.
• 1997 жылдан - Қарағанды облысы Шет ауданы әкімі аппаратының бөлім меңгерушісі.
• 2001 жылдың ақпанынан - Қарағанды облысы Шет ауданы әкімінің орынбасары м.а.; 2001 жылдың шілдесінен - әкімнің орынбасары.
• 2008 жылдың шілдесінен бері - Қарағанды облысы Шет ауданының әкімі.