Ұсынылмаған ұлттар мен ұлыстар ұйымы жөніндегі пакт

Ұсынылмаған ұлттар мен ұлыстар ұйымы жөніндегі пакт — 1991 жылы 11 ақпанда Гаагада құрылтай ассамблеясының жұмысында қабылданды. Барлық ұлттар мен халықтардың өзін-өзі басқару құқын есепке ала отырып, соған сәйкес олардың өз саяси бағыты мен экономикалық, әлеуметтік және мәдени дамуы бағдарын еркін таңдауын қамтамасыз етуді естен шығармау керек.

Бүгінгі таңда көптеген этностар теперіш көріп, кемсітушілікке, қуғын-сүргінге, депортацияға, жерінен қуылуға, басқа да ресурстарынан айырылып, тіпті кейде, геноцид қүрбанына айналып, қүқы бүзылуда. Мұндай ұлттардың, халықтардың құқын үкіметаралық ұйымдардың мойындамауы нәтижесінде жағдай тіптен өрши түсуде. Сондықтан да осы ұлттар мен халықтардың мәселесін тиімді шешуді қарастыратын арнайы ұйым құру қажеттігі туындады. Осы Пакт бойынша ұлттар мен ұлыстар өз араларында келісіп, ұйым құруды жөн санады. Ұйымның мақсаты - арнайы форумдарда қолдау тобын құрып, қатысушы ұлттар мен ұлыстардың мүң-мүқтажын күш қолданусыз әдістермен жеткізу.

Ұйымға мүше ұсынылмаған ұлттар мен ұлыстар: Абхазия, Аустралия аборигендері, Аче/Суматра, Македония Албандықтары, Ассирия, Башқұртстан, Батуа (Руанда),Бугенвилль, Бурятия, Калахуи(Гавайи), Карен мемлекет (Мьянма), Коми, Косово, Күрдістан (Ирак), Дакота ұлты (АҚШ), Маохи халқы, Мапуче, Марий-Эл, Ичкерия Шешен Республикасы, Шеркестер, Кордильера (Филиппин), Чамерия, Чувашия, Қырым (Қырым татарлары), Шығыс Тимор, Шығыс Түркістан (Қытай), Гагаузия (Молдавия), Албаниядағы грек азшылығы, Инкери, Ингушетия, Ирактық түркімендер, Мондар (Кампучия), Нагаленд (Үндістан), Огони (Нигерия), Санджак, Скания, Оңтүстік Моллук республикасы, Тайвань, Татарстан, Тибет, Тува, Удмуртия, Батые Папуа, Саха Республикасы, Занзибар.