Әшім Әбденбаев

Әшім Әбденбаев (1917 жылы, Әулиеата уезі, Сырдария облысы, Түркістан өлкесі, Ресей империясы — ?) — кеңестік малшы, Қазақ КСР, Жамбыл облысы, Талас ауданы, «Жәрдемші» ұжымшарының аға шопаны. Социалистік еңбек ері (1949).

Әшім Әбденбаев
Туған күні	1917 (1917)
Туған жері	Әулиеата уезі, Сырдария облысы, Түркістан өлкесі, Ресей империясы
Қайтыс болған күні	белгісіз
Қызметі	мал шаруашылығы
Марапаттары мен сыйлықтары

Өмірбаяны

1917 жылы Түркістан өлкесі, Сырдария облысы, Әулиеата уезінде (қазіргі Қазақстан, Жамбыл облысы, Талас ауданында) туған.

1936 жылдан бастап 1939 жылы қаңтарда Қызыл Әскер қатарына шақырылғанға дейін жергілікті ұжымшарда шопан болып қызмет атқарды. Ұлы Отан соғысының қатысушысы, екі рет жараланған. «Ерлігі үшін» медалімен марапатталған.

1945 жылы қыркүйекте әскерден кейін елге оралып, Талас ауданындағы «Жәрдемші» ұжымшарында қой жайып, аға шопан жұмысын жалғастырады. 1948 жылғы еңбек нәтижесі бойынша 400 семіз құйрықты ұрғашы қойдан әрбір жүз аналықтан 120 қозы өсіріп, қозылардың орташа салмағы 41 килограмға дейін жететін.

КСРО Жоғарғы Кеңесі Төралқасының 1949 жылғы 12 шілдедегі Жарлығымен Әбденбаев Әшімге 1948 жылы мал шаруашылығынан жоғары өнімділік алғаны үшін Ленин ордені және Орақ пен Балға алтын медалімен марапаттап, Социалистік еңбек ері атағы берілді.

Одан кейінгі жылдары да қой шаруашылығында жоғары көрсеткіштерді көрсетіп, қой басын жылдан-жылға көбейтті. «Жәрдемші» ұжымшары «Бостандық» кеңшары болып қайта құрылғаннан кейін 1965 жылы қарамағындағы отардан әр жүз ұрғашы қойдан 138 қозы, 1966 жылы — 140 қозы, 1967 жылы — 145 қозы төлдетіп, өсірді.

Талас ауданындағы «Бостандық» кеңшарында тұрды.

Әдебиет

• Герои Социалистического Труда — казахстанцы. Т.2 — Алма-Ата, 1969.

Сілтеме

• Әбденбаев Әшім. «Герои страны» сайты.