Өспен

Өспен — Қарағанды облысы Шет ауданындағы ауыл, Успен ауылдық округі орталығы.

Ауыл
Өспен
Әкімшілігі
Ел	ҚазақстанҚазақстан
Статусы	Ауылдық округ орталығы
Облысы	Қарағанды
Ауданы	Шет
Ауылдық округі	Успен
Тарихы мен географиясы
Координаттары	48°39′56″ с. е. 72°42′43″ ш. б.48.66556° с. е. 72.71194° ш. б. / 48.66556; 72.71194
Құрылған уақыты	1847
Бұрынғы атаулары	Нілді
Уақыт белдеуі	UTC+6:00
Тұрғындары
Тұрғыны	1016 адам (2009)
Сандық идентификаторлары
Автомобиль коды	09
Өспен Өспен
Өспен шекарасы

Халқы

Жергілікті тұрғындар саны 1999 жылы 1335 адам (700 ер адам және 635 әйел адам) болса, 2009 жылы 1016 адамды (540 ер адам және 476 әйел адам) құрады.

Географиялық орны

Аудан орталығы - Ақсу-Аюлы ауылынан батысқа қарай 70 км-дей жерде.

Тарихы

Іргесі орыс көпесі Н.Ушаков ашқан мыс кен орнының негізінде 1847 жылы қаланған. XIX ғасырда Нілді болысының, кейіннен Нілді және басқа болыстар біріктіріліп, Асан Қайғы болысы ұйымдастырылған кезеңде осы болыстың орталығы болды. Асан Қайғы болысының негізінде 1928 жылы Асан қайғы ауданы құрылып, 1929 жылы С.Сейфуллиннің ұсынысымен Жаңаарқа аудандық болып қайта құрылғанда Успен руднигі деген атаумен осы ауданның құрамына кірді. Өспен кенішінде 1905 жылы желтоқсан айында ел тарихында елеулі орын алған жұмысшылар ереуілі болды (Кеніш жұмысшылырының ереуілдегі қойған талаптары: азық түлікті реттеп, киім кешек бөлсін; жұмысшылардың еңбек ақысын арттырсын; жұмысшылардың қазарма үйі оңдалсын; Ресейдегі мектептер үлгісімен жақын арада 4 бөлімді орыс - қазақ мектебі салынсын;). Сол кезеңде, яғни 1906-1909 жылдары Өспендегі мектепте қазақ халқының даңқты ұлдарының бірі С.Сейфуллин оқыды. Қазақстандағы метталогения мектебінің негізін қалаушы, геология саласының көрнекті маманы Қаныш Сәтбаев Өспен мыс қорыту зауытында болып, онда ғылыми барлау жұмыстарын жүргізген.