Ілияс Нұрсейітұлы Нұрпейісов

Ілияс Нұрсейітұлы Нұрпейісов 1950 жылы 28 қазанда Шымкент облысы Бәйдібек ауданы Шаян ауылында туған. Қазақ. Алматы халық шаруашылығы институтын (1976) бітірген, мамандығы - «Бухгалтерлік есеп». 1968 жылдан еңбек жолын жұмысшы болып бастады. 1975 жылдан - Павлодар есеп-экономикалық техникумының арнайы пәндер оқытушысы. 1976 жылдан - Павлодар облыстық қаржы бөлімінің бақылаушы-тексерушісі, аға экономисі, аға бақылаушы-тексерушісі, бөлім бастығы. 1991 жылдан - Павлодар облыстық қаржы басқармасы бастығының орынбасары - агроөнеркәсіптік кешенді қаржыландыру бөлімінің бастығы, басқарма бастығының бірінші орынбасары. 1995 жылдан - Павлодар облыстық қазынашылық басқармасының бастығы. 2004 жылдан - Павлодар облысы бойынша қазынашылық департаментінің бастығы. 2008 жылдың сәуірінен бері - Қазақстан Республикасы Қаржы министрлігінің Қазынашылық комитетінің Шығыс Қазақстан облысы бойынша қазынашылық департаментінің бастығы. Қазақстан Республикасы Құрмет грамотасымен (2004) марапатталған. Қазақстан Республикасы Президентінің Алғысымен ескерілген (2001). Қазақстан Республикасы қаржы қызметінің үздігі (2004). Қазақстан Республикасы қазынашылық қызметінің үздігі (2009).