Вильгельм Стейниц

Вильгельм Стейниц (нем. Wilhelm Steinitz, ағылш. William Steinitz, 14 мамыр, 1836, Прага, Аустрия Империясы — 12 тамыз, 1900, Нью-Йорк, АҚШ) — австриялық және американдық шахматшы, шахматтан алғашқы ресми әлем чемпионы (1886-1894). Шахмат ойнауды алты жасында үйренді. 1860 және 1870 жылдардың тоғысында Адольф Андерсенге қарсы матчта жеңіске жеткеннен кейін өз уақытының ең күшті ойыншысы ретінде танылған. Стейниц бұрын үстем болған «романтикалық» комбинациялық мектепті орнына келген позициялық ойын доктринасын дамытып, шахматты айтарлықтай байытқан. 1883 жылы Стейниц Америка Құрама Штаттарына көшті және 1888 жылы американдық азаматтығын алып, атын Уильям деп өзгертті.

Вильгельм Стейниц
нем. Wilhelm Steinitz
Мемлекеттер	Аустрия-Мажарстан  АҚШ
Туған күні	14 мамыр 1836 (1836-05-14)
Туған жері	Прага, Аустрия империясы
Қайтыс болған күні	12 тамыз 1900 (1900-08-12) (64 жас)
Қайтыс болған жері	Нью-Йорк, АҚШ
Марапаттары мен сыйлықтары	Шахматтан әлем чемпионы (1886 — 1894)
Вильгельм Стейниц Ортаққорда

1885 жылы Стейниц әлем чемпионы атағы үшін Иоганн Цукертортты матчқа шақырды. Бұл турнир 1886 жылы АҚШ-та өтті. 12,5:7,5 есебімен жеңіске жеткен Стейниц әлемнің тұңғыш чемпоны атанды. Ол төрт рет әлем чемпионы атағын қорғады. Бірақ 1894 жылы Эмануил Ласкермен чемпиондық аттақ үшін кездесуінде сәтсіздікке ұшырады. Ласкер Стейниц мұрасын жоғары бағалады және позициялық мектептің дәйекті жақтаушысы болды.

Стейниц жемісті жазушы болды, мансабының шыңында ол журналист ретіндегі жұмысына назар аудару үшін тоғыз жыл бойы турнирлерді ойнауды тоқтатты және 1885 – 1891 жылдар аралығында Халықаралық шахмат журналын «International Chess Magazine» шығарып, шахмат ойынының таралуына айтарлықтай үлес қосты.

Ізашары: '

Шахматтан әлем чемпионы 1886–1894

Ізбасары: Эмануил Ласкер