Роберт Джеймс Фишер

Роберт Джеймс Фишер (9.3. 1943 ж. туған, АҚШ, Чикаго қ.) — америкалық шахматшы, шахматтан әлемнің 11-чемпионы (1972 — 75), халықаралық гроссмейстер (1958). Шахматтан “Оскар” сыйлғының лауреаты (1970 — 72). 8 дүркін АҚШ чемпионы (1957 — 67). Ол шахмат ойнауды 6 жасында үйренді. Манхэттендегі шахмат клубына барған соң, 12 жастағы Фишер мектеппен қош айтысып, барлық уақыты мен бойындағы бар ынта-жігерін шахматқа арнады. Бос кезінде әнмен, жүзу және баскетболмен айналысады. 13 жасында испан, неміс, француз тілдерін меңгерген. 14 жасында ересектер арасында АҚШ чемпионы, 15 жасында әлемдегі ең жас халықар. дәрежедегі гроссмейстер атанды. Ф. 1958 ж. Порторождағы халықар. турнирде 5 — 6-орынды бөлісіп, 1962 ж. Стокгольмде өткен аймақаралық турнирде Т.Петросян мен Е.Геллерден 2,5 ұпай озып, бас бәйгені иемденеді. Жарыс барысында жеңіліске ұшырамай, 22 мүмкіндіктен 17,5 ұпай жинады. 1967 ж. Тунистің Сус қаласындағы аймақаралық турнирде 1-орында келе жатқанына қарамастан, мінез көрсетіп, жарыстан шеттетілді. Біраз үзілістен кейін 1970 ж. Пальма-да-Мальоркадағы аймақаралық турнирде озып шығып, үміткерлер матчында М.Таймановты — 6:0, Б.Ларсенді — 6:0, Петросянды 6,3:3,5 есебімен ұтты. Шешуші кезеңде 1972 ж. Исландияның астанасы Рейкьявик қаласында Б.Спасскийді 12,5:8,5 есебімен жеңген Фишер әлем чемпионы атанды. 1975 ж. чемпиондық атаққа үміткер А.Карповпен кездесуден бас тартты. Фишірдің бұл қылығына шыдамаған Халықар. шахмат федерациясы (ФИДЕ) Карповты әлем чемпионы деп жариялады.

Роберт Джеймс Фишер
Robert James Fischer
1960 жылғы Лейпцигтағы Олимпиадада
Мемлекеттер	АҚШ
Туған күні	1943 жыл
Туған жері	АҚШ
Қайтыс болған күні	17 қаңтар 2008 жыл
Қайтыс болған жері	Рейкьявик, Исландия
Лауазымы	Гроссмейстер (1958) Халықаралық мастер (1957)
Максималды рейтингі	2785 (1972)
Марапаттары мен премиясы	Әлем чемпионы (1972-1975)

Сілтемелер

«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IX том