Дүйсенбай Алтынбеков

Дүйсенбай Алтынбеков (1889, қазіргі Арыс ауылы - 24.12. 1943) — жергілікті басшы, Отырар аудандық аткомының тұңғыш төрағасы (1935-39).

1922 жылы Ташкент қаласындағы мұсылман кәсіптік техникумын бітірген. 1922—23 жылы сотта арыз тіркеуші, орындаушы, 1923—29 жылы Шымкент, Қазалы, Әулиеата уездік прокурорының көмекшісі, 1929—30 жылы Торғай ауданында прокурор, 1931—33 жылы Шәуілдір құрылысы басқармасының бастығы, 1933—35 жылы МТС директоры қызметін атқарған. 1930— 31 жылы ұзындығы 33 км-лік канал қазу ісін басқарды. 1935—39 жылы Отырар ауданының атком төрағасы болып қызмет етті.

1939 жылы "халық жауы" деген жаламен тұтқынға алынған. 1956 жылы ақталды.