Жәнет молибден кен орны
Жәнет молибден кен орны - Қарағанды облысы Шет ауданы жерінде, Балқаш қаласынан солтүстікке қарай 120 км жерде. Кен орны 1954 жылы ашылып, 1957-1964 жылдары барланған.
Геологиялық құрылымы, сипаты
өңдеуКен Тоқырау синклинорийі батыс қанатының Ақжол-Ақсораң және Ақбастау жарылыс белдемдерімен қиылысындағы кесіп-жаншылу белдемін алып жатыр. Кен алаңы төменгі тас көмірдің жанартаутекті (трахиандезиттер, дациттер және липарит порфирлердің туфтары) жыныстарынан құралған. Олар герцин циклінің гранитоид денелерімен кесілген. Қалыңдығы 1-2 см, ұзындығы 50 м-ге дейін жететін ұсақ желішелерден тұратын линза, ұя пішіндес кен денелері 300 – 500 м тереңдікте жатыр.
Минералдары
өңдеуНегізгі кентас минералдары: молибденит, берилл, монацит, флюорит; қоспа минералдар: вольфрамит, шеелит. Жәнет ірі молибден кен орындарының қатарына жатады. [1]
Дереккөздер
өңдеу
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |