Кененбай Молданұлы Қожабеков

Кененбай Молданұлы Қожабеков (3 ақпан 1928, Алматы облысы Жамбыл ауданы Ақсеңгір ауылы — 3 қараша 1988, Алматы) — актер, Қазақ КСР-інің халық артисті (1972).

Кененбай Молданұлы Қожабеков
Сурет
Жалпы мағлұмат
Туған күні

3 ақпан 1928 (1928-02-03)

Туған жері

Ақсеңгірде, Жамбыл ауданы, Алматы облысы, Қазақ КСР

Қайтыс болған күні

3 қараша 1988 (1988-11-03) (60 жас)

Қайтыс болған жері

Алматы, Қазақ КСР

Азаматтығы

 КСРО

Мамандығы

актер

Белсенді жылдары

1949-1988

Өмірбаяны өңдеу

Алматы театр училищесін бітірген (1950).[1]

1950—1961 жылы Республикалық балалар мен жасөспірімдер театрында қызмет етті.

1958 жылдан бері "Қазақфильм" киностудиясының актері.

1960 жылдың 10 қаңтарында Балалар мен жасөспірімдер театрынан шығып келе жатқан кезінде Ыдырыс Ноғайбаев, Нұрмұхан Жантөрин үшеуіне көше басбұзарлары шабуыл жасап, жұлынына әлденеше жерден пышақ салып, омыртқасын зақымдайды. Осы бір қарғыс атқан күнді актердің өзі «құлап түскен күнім» деген екен[2]

Театрлық және кинематографиялық рөлдері өңдеу

Қожабеков Республикалық балалар мен жасөспірімдер театрының сахнасында мына рөлдерде басты кейіпкер болып ойнаған: Алдар, Ғани (Ш. Хұсайынов, «Алдар Көсе», «Біздің Ғани»), Доброходов (М. Ақынжанов, «Ыбырай Алтынсарин»), Шагабутдинов (Д. А. Фурманов, «Бүліншілік»), т.б.

Кинодағы алғашқы жұмысы — «Аласталған Алитет» фильміндегі (1950) Айенің рөлі. Ол сонымен қатар «Жамбыл» (1952, Нәдір), «Қыз-жігіт» (1955, Айдар), «Бұл Шұғылада болған еді» (1955, Бақытжан), «Мазасыз көктем» (1956, Атабаев), «Менің атым Қожа» (1963, Әмірқұл), «Қыз Жібек» (1970, Сырлыбай), «Қан мен тер» (1978, Алдаберген), «Жаушы» (1980, Манай), «Қасқырдың апаны» (1984, Бабахан), т.б. фильмдерде ойнап, кейіпкерлерінің жан дүниесін ашуда психологиялық тереңдікке, образдылыққа жетті, типтік жинақтау үлгісін көрсетті.

Фильмографиясы өңдеу

Марапаттары өңдеу

«Халықтар достығы» орденімен, медальдармен марапатталған.[3]

Дереккөздер өңдеу

  1. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8
  2. Кененбай Қожабеков туралы
  3. «Қазақстан»: Ұлттық энцклопедия/Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9