Мағауия Әлімханұлы Ермеков
Мағауия Әлімханұлы Ермеков (01.09.1921 ж., 6-ауылы, Абай ауданы, Шығыс Қазақстан облысы - 2006 жыл, Қарағанды ) – геология-минералогия ғылыдармының докторы (1968), профессор (1970), Қазақстан Ғылым Академиясының корреспонденция мүшесі (1983).
Арғын тайпасы, Қаракесек руының Сары Танас бұтағынан шыққан.[1]
Қазақ тау-кен металлургия (1950, қазіргі Қазақ ұлттық техникалық университеті) институтын және осы институттың аспирантурасын (1958) бітірген. 2-дүниежүзілік соғысқа қатысқан. Қарағанды қаласындағы «Қазақкөміргеология» тресінде геолог, аға геолог, топ жетекшісі (1950–57), Қазақстан Ғылым Академиясының Қарағанды қаласындағы химия-металлургия институтында кафедра меңгерушісі (1958–63) және Қазақ тау-кен өнеркәсібінің қауіпсіздігі ғылыми-зерттеу институтында аға ғылыми қызметкер, зертхана меңгерушісі (1963–70), Қарағанды политехникалық институтында (1970–89, қазіргі Қарағанды мемлекеттік техникалық университеті) кафедра меңгерушісі қызметтерін атқарған. 1989 жылдан осы институттың профессоры.
| Мағауия Ермеков | |
|---|---|
| Туған күні | 1 қыркүйек 1921 |
| Туған жері | 6-ауылы, Абай ауданы, Шығыс Қазақстан облысы |
| Қайтыс болған күні | 2006 |
| Қайтыс болған жері | Қарағанды |
| Азаматтығы |  Қазақстан |
| Ғылыми аясы | Геология |
| Жұмыс орны | Қарағанды мемлекеттік техникалық университеті |
| Ғылыми дәрежесі | Геология-минерология ғылымдарының докторы |
| Ғылыми атағы | Қазақстан Ғылым Академиясының корреспонденция мүшесі |
| Альма-матер | Қаныш Сәтбаев атындағы Қазақ ұлттық техникалық университеті |
| Несімен белгілі | Әлімхан Ермековтың ұлы |
1967 ж. «Газоность угленосных отложений и газообильность шахт Карагандинского бассейна» деген тақырыпта докторлық диссертация қорғады. Оның негізгі ғылыми еңбектері көмір алаптарындағы газды қабаттарды барлау, онымен күрес жүргізу мәселелеріне арналған. Қарағанды көмір бассейнінің газды[2] қабаттарының картасын жасаған. 1-дәрежелі Отан соғысы орденімен, медальдармен марапатталған.
Сыртқы сілтемелер Өңдеу
Дереккөздер Өңдеу
- ↑ «Қаракесек шежіресі», екінші том, Павлодар, «ЭКО» ЖШС баспаханасы, Т.А. Еңсебаев . Кітаптың таралымы – 500 дана. 2017
- ↑ “Қазақстан”: Ұлттық энцклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998 ISBN 5-89800-123-9
| Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |