Риши Сунак
Риши Сунак (ағылш. Rishi Sunak) — британдық саясаткер және кәсіпкер, 2022 жылдан 2024 жылға дейін Ұлыбритания премьер-министрі.
| Риши Сунак ағылш. Rishi Sunak | ||||
.jpg) Ресми портреті, 2022 жыл | ||||
| Лауазымы | ||||
|---|---|---|---|---|
| ||||
| 5 шілде 2024 — 2 қараша 2024 | ||||
| Ізашары | Кир Стармер | |||
| Ізбасары | Кеми Баденок | |||
| ||||
| 25 қазан 2022 — 5 шілде 2024 | ||||
| Монарх | III Чарльз | |||
| Ізашары | Лиз Трасс | |||
| Ізбасары | Кир Стармер | |||
| ||||
| 24 қазан 2022 — 2 қараша 2024 | ||||
| Ізашары | Лиз Трасс | |||
| Ізбасары | Кеми Баденок | |||
| ||||
| 7 наурыз 2015 жылдан бастап | ||||
| ||||
| 13 ақпан 2020 — 5 шілде 2022 | ||||
| Премьер-Министр | Борис Джонсон | |||
| ||||
| 24 шілде 2019 — 13 ақпан 2020 | ||||
| Премьер-Министр | Борис Джонсон | |||
| Өмірбаяны | ||||
| Партиясы | Консервативті партия | |||
| Білімі | Линкольн-колледж (2001) Стэнфорд университеті (2006) Стэнфорд жоғарғы бизнес мектебі Уинчестер (Винчестер) колледжі | |||
| Ғылыми дәрежесі | бизнес әкімшілігі магистрі (2006) | |||
| Діні | индуизм | |||
| Дүниеге келуі | 12 мамыр 1980 (44 жас) Саутгемптон, Хэмпшир, Ұлыбритания | |||
| Жұбайы | Акшата Мурти | |||
| Балалары | 2 | |||
| Сайты | rishisunak.com | |||
өңдеу  |
||||
.svg)
_(St_Edwards_Crown).svg)
Ұлыбритания тарихына ол тұңғыш азиялық және тұңғыш үндістандық премьер-министр ретінде қалды. Ол, оған қоса, 2020 жылдан 2022 жылға дейін қазынашылық канцлері және 2019 жылдан 2020 жылға дейін қазынашылықтың бас хатшысы лауазымдарында болды. Премьерлігінен кейін, 2022 жылғы қазаннан Сунак Консервативті партияның көшбасшысы және 2024 жылғы шілдеден Оппозиция басшысы болған. Екі лауазымдағы қызметі 2024 жылғы 2 қарашада аяқталды.
Риши Сунак Саутгемптонда дүниеге келді,[1] ата-аналары — 1960 жылдары Ұлыбританияға Шығыс Африкадан келіп көшкен пенджабдықтар. Стэнфорд университетінде білім алып жатқанда өзінің болашақ жұбайы Акшата Мурти, үндістан миллиардеры Нараяна Муртидің қызын кездестірді. Сунак пен оның әйелі — Ұлыбританияның 222-ең бай тұлғалары, олардың жалпы байлығы 2022 жылы 730 миллион £-ке жетті.
Сунак 2015 жылғы сайлауда Қауымдар палатасының мүшесі болды. 2016 жылғы референдумда Ұлыбританияның Еуроодақтан шығуын қолдаған еді. Ол Тереза Мэйдің премьерлігі жылдарында жұмыс істеген, Мэйдің отставкасынан кейінгі сайлауда Борис Джонсонды қолдады. Джонсон премьер-министр болып сайланғанда Сунак Қазынашылықтың Бас Хатшысы болып тағайындалды. Кейінірек ол Қазынашылықтың Канцлері лауазымына тағайындалды. Канцлер ретінде Сунак үкіметтің COVID-19 пандемиясына және оның экономикалық әсеріне қаржылық реакциясында өз рөлін атқарды. Ол 2022 жылдың шілдесінде Джонсонның отставкаға кетуі және Ұлыбританияның үкімет дағдарысы нәтижесінде канцлер қызметінен кетті. Сунак Джонсонның ізбасары болу үшін консервативті партияның көшбасшылық сайлауына қатысты және Лиз Трассқа қарсы жеңілді.
Тағы бір үкімет дағдарысы нәтижесіндегі Лиз Трасстың отставкасынан кейін Риши Сунак партияның көшбасшылығына қарсылассыз сайланды, кейінірек ол премьер-министр болып тағайындалды.[2][3]
Ұлыбритания Премьер-министрі
өңдеу2022 жылғы 25 қазанда Ұлыбританиядағы Үкіметтік дағдарыс аяқталғаннан кейін Риши Сунак кабинеті құралды.
2024 жылғы жалпы сайлау кезінде Сунактың Консервативті партиясы жеңілді де, мандаттың көпшілігіне қол жеткізген Лейбористік партияның көшбасшысы Кир Стармер Сунактың премьер ретінде ізбасары атанды.[4]
Дереккөздер
өңдеу- ↑ Rishi Sunak. Biography, Wife, & Net Worth. Britannica.
- ↑ Риши Сунак Ұлыбританияның жаңа премьер-министрі болып сайланды (қаз.). NUR.kz (20 қазан 2022).
- ↑ ҰЛЫБРИТАНИЯНЫҢ ЖАҢА ПРЕМЬЕР-МИНИСТРІ САЙЛАНДЫ (қаз.) (20 қазан 2022).
- ↑ Ұлыбританияда Лейбористер жеңіске жетті (қаз.). kaz.inform.kz (5 шілде 2024). Тексерілді, 5 шілде 2024.