Талғат Пердебекұлы Күзембаев

Талғат Пердебекұлы Күзембаев (1971 жылы 6 қаңтарда ОҚО Бәйдібек ауданы Алғабас ауылында туған) — опера әншісі (драмалық баритон). Қазақстан Республикасының Мемлекеттік Әнұранының ресми тұңғыш орындаушысы. Қазақстан Республикасының Мемлекеттік сыйлығының иегері (2006). Қазақстанның еңбек сіңірген қайраткері (2017).

Талғат Пердебекұлы Күзембаев
Туған күні	6 қаңтар 1971 (1971-01-06) (53 жас)
Туған жері	Түркістан облысы Бәйдібек ауданы
Белсенділік жылдары	1998 - осы уақыт
Мемлекет	Қазақстан
Мамандығы	опера әншісі
Дауыс түрі	драмалық баритон
Жанрлары	опера симфониялық музыка
Ұжымдары	Абай атындағы Қазақ ұлттық опера және балет театрының әншісі
Марапаттары	Қазақстанның еңбек сіңірген қайраткері

Толығырақ

• Талғат Пердебекұлы 1971 жылы 6 қаңтарда ОҚО Бәйдібек ауданы Алғабас ауылында дүниеге келген.
• 1994 - 1998 жылдары Құрманғазы атындағы Қазақ ұлттық консерваториясының вокалдық-хор факультетін Қазақстанның халық артисі, профессор Ғафиз Есімовтың классын бітірген.
• 1998 - 2000 жылдары Құрманғазы атындағы Қазақ ұлттық консерваториясының асперантурасын бітірген.
• Оқуды бітіргеннен кейін Абай атындағы Қазақ ұлттық опера және балет театрына труппасына қабылданады.

Шығармашылығы

• Абай атындағы Қазақ ұлттық опера және балет театры сахнасында: Бұл жерде опералық-орындаушылық репертуарынан қазақ композиторларының, сондай-ақ дүниежүзілік классикалық музыка шығармалар кең орын алды.
• Негізгі орындаған партиялары: Жанбота, Жиенқұл (М.Төлебаев, “Біржан – Сара”), Абай, Жиренше (А.Жұбанов пен Хамидидің осы аттас операсы), Бекежан (Е.Г.Брусиловский, “Қыз Жібек”), Абылай хан Рахмадиевтің осы аттас операсы, 2004; ҚР Мемлекеттік сыйлығы, 2006). Сонымен қатар Н.А. Римский-Корсаков, П.И.Чайковскийдің Ж.Бизе, Дж. Пуччини, Дж. Верди операларында күрделі партияларды орындады.
• 2006 жылы Қазақстан Республикасының Мемлекеттік Әнұранының ресми тұңғыш орындаушысы болды.
• Ол 2007 ж. Қазан қаласындағы Татар мемлекеттік академиялық опера және балет театры сахнасында Вердидің “Трубадур” операсын қоюға қатысты. Сол жылы Қазақтың мемлекеттік академиялық опера және балет театрының опералық труппасымен Кипрдегі Пафос қаласында “Афродита” фестиваліне қатысып, Граф ди Луна партиясын (Верди, “Трубадур”) айтты. К.Байсейітова атындағы республика әншілер байқауының (1998, 3-сыйлық), Халықаралық “Шабыт” шығарма жастар фестивалінің (2001, 1-сыйлығы), Б.Төлегенова атындағы 2-халықаралық әншілер байқауының (2004, 1-сыйлық) лауреаты және Астрахан қаласында өткен М.И. Глинка атындағы халықаралық әншілер байқауының дипломанты атанды..

Марапаттары

• 2006 жылы Еркеғали Рахмадиевтың "Абылай хан" операсындағы Абылай ханның рөлі үшін Қазақстан Республикасының Мемлекеттік сыйлығының лауреаты атанды.
• 2017 жылғы ҚР Президентінің жарлығымен Қазақстанның еңбек сіңірген қайраткері құрметті атағымен марапатталды.

Сілтемелер

• Кузембаев Талгат Мұрағатталған 10 мамырдың 2012 жылы.
• 2006 жылғы Әдебиет, өнер және сәулет саласындағы Қазақстан Республикасының Мемлекеттік сыйлығын алуға алдын ала іріктеуден өткен және конкурсқа қатысу үшін жіберілген шығармалар(қолжетпейтін сілтеме)