Төртқара

Төртқара - Алшын тайпасына кіретін ру. Шежіре бойынша Алшын тайпасынан шыққан Алау әмірдің алтыншы ұрпағы Әлімнен тарап, Әлімұлы рулық бірлестігінің бір руын құрайды.

Алшын тайпасының Төртқара руының негізгі қыстауы Сырдың төменгі ағысы, жазда Қарақұмнан өтіп, Ырғыз өзенінің бойын жайлаған.

Алшынның Төртқара руы

Төртқара – Алшын тайпасының аға рулары тарайтын Әлімұлының бір руы. Төртқара М.И. Тевкелевтің, ЛевшинА.Левшиннің деректерінде ру ретінде жазылады. 19 ғасырдың аяғында Әлімнен тараған ру ретінде айтылады.

Шежіре деректері бойынша Төртқарадан:

• Қараш,
• Оразкелді,
• Ораз,
• Жаншүкір аталары шыққан.

Бұл төртеуінен Тоқпан, Аппақ, Қасым, Торым, Бақшақ, Мазы, Келтеқара, Құламан, Құлтас, Ақкиіз, Сейітқұл, Шобан, Тәлтекем, Қонысбек, Қаракемпір аталары өрбіген.

Төртқаралар негізінен Ақтөбе, Қызылорда облыстарында, Навоида (Нұратада), Қарақалпақстанда тұрады. Төртқарадан Жалаңтөс баһадүр, Әйтеке би шыққан.Найман, Матай-Төртқара руының шежіресі. Құраст: Б. Қазығұлов, М. Қазамбаев. Алматы, Атамұра, 2004, 208 бет

Тұлғалар

• Әйтеке би - қараш
• Жалаңтөс Баһадүр Сейітқұлұлы - қараш
• Былшық би
• Төребай Пышанұлы
• Басықара би Құрманұлы
• Кеңес Дүйсекеұлы Дүйсекеев
• Жасарал Қуанышалин
• Мәдина Есмалайқызы Ерәлиева
• Ерке Есмахан