Қараот
Қараот (лат. Portulaca)[1] - қараоттар тұқымдасына жататын бір жылдық шөптесін өсімдіктер туысы.
| Қараот | ||||||||||
|---|---|---|---|---|---|---|---|---|---|---|
 | ||||||||||
| Ғылыми топтастыруы | ||||||||||
|
Ботаникалық сипаты өңдеу
- Биіктігі 10-30 см-дей.
- Тамыры ұршық тәрізді, бұтақты.
- Сабағы етжеңді, тармақталып бұтақталған, қоңыр түсті.
- Жапырақтары етжеңді, жасыл түсті, доғал, жалпиған жұмыртқа пішінді.
- Гүлдері ақ, сары, кейде қара қоңыр түсті, тармақталған сабақтарда 2-3-тен топталып орналасқан. Маусымнан қыркүйекке дейін гүлдеп, жемістенеді.
- Жемісі - шар тәрізді қауашақ
Өсетін жері мен таралуы өңдеу
Дүние жүзінде тропиктік және субтропиктік белдеулерде тараған 100-ге жуық (кейбір мәліметтерде 200-дей) түрі белгілі. Қазақстанда Каспий маңында, Балқаш-Алакөл ойысында, Іле, Күнгей, Қырғыз Алатауларында кездесетін бір түрі бақша қараоты (Portulaca olerаcea) өзендердің құмды жайылымдарында, егістіктерді, бақшаларда, алаңқайларда өседі.
Қолданысы өңдеу
- Халық медицинасында қараоттың дәні мен жапырағынан жасалынған дәрілер ем үшін пайдаланылады.
- Аспаздықта жас өркендері (шикідей, пісірлген және маринадталған түрі) тамақ дайындау барысында пайдаланылып, ет және балықтан дайындалған тағамдарға қосылып беріледі.
- Орта Азияда, Ресейде (Қиыр Шығыста), Украинада мәдени өсімдіктер ретінде гүлзарларда әсемдік үшін өсіріледі.
Дереккөздер өңдеу
- ↑ Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5