Болат Ғазизұлы Аюханов

Болат Ғазизұлы Аюханов (13 қыркүйек 1938, Семей — 13 желтоқсан 2022, Алматы) — қазақ балет әртісі, балетмейстер және педагог. Қазақ балетінің «аңызы» болып саналады.

Болат Аюханов
Туған күні	13 қыркүйек 1938 (1938-09-13)
Туған жері	Семей, Қазақ КСР, КСРО
Қайтыс болған күні	13 желтоқсан 2022 (2022-12-13) (84 жас)
Қайтыс болған жері	Алматы, Қазақстан
Азаматтығы	КСРО →  Қазақстан
Қызметі	балет әртісі, педагогы, балетмейстер
Театр	Абай атындағы Қазақ ұлттық опера және балет театры
Марапаттары	1 дәрежелі Барыс ордені
IMDb	ID 0044046

1938 жылы 13 қыркүйекте Семей қаласында дүниеге келген. Қазақ. Әкесі - Қуатов Ғазиз. Анасы - Аюханова Рахиля. А.В. Луначарский атындағы Мәскеу театр өнері институтының балетмейстерлік факультетін бітіргөн (1964), балет режиссері, балетмейстер. Өнертану профессоры (2003). Халықаралық ақпараттандыру Академиясының академигі (2004). «Менің балетім» (1988); «Сезім биографиясы» (Сорос гранты, 2000), «Балет витражы» (2005) кітаптарының; 100-ден астам рецензиялардың, мақалалардың, сұхбаттардың авторы. Қазақ, орыс, түрік, литва, ағылшын және украин тілдерін біледі. 1957 жылдан - Абай атындағы Қазақ ұлттық опера және балет театрында балет әртісі. 1964 жылдан - Абай атындағы Қазақ ұлттық опера және балет театрында балетмейстер. 1965 жылдан - «Қазақконцерт» екі актерлі Театрының балет солисі. 1967 жылдан - «Қазақконцерт» жанындағы Алматы Жастар балеті көркемдік жетекшісі, балет солисі. 1975 жылдан - Қазақстан классикалық би Ансамблінің көркемдік жетекшісі, балет солисі. 1976 жылдан - Қазақстан классикалық би ансамблінің көркемдік жетекшісі, директоры. 1991 жылдан - Қазақ мемлекеттік классикалық би ансамблінің көркемдік жетекшісі. 2003 жылдан бері - ҚР Мемлекеттік академиялық би театрының директоры. «Болеро», «Қазақ сувенирі», «Батырлар», «Қыз Жібек», «Гамлет», «Кармен-сюита», «Шыңғысхан» және басқа қойылымдарға қатысады. «Біздің жеріміздің байлығы» («Свердловскфильм», 1960), «Жауым, тоғызыншы ұлдан қорық», «Түнектің әміршісі», «Айдай сұлу Айсұлу ертегісі туралы», «Қайсар», «Мадам Вонг қазынасы», «Несібелі», «Репетиция», «ІІІабыт» кинофильмдеріне түскен. Режиссерлік-қойылымдық жұмыстары: 30 балет, 150 концертті номерлер. ҚР Мемлекеттік академиялық би театрының негізін қалаушы. ҚР Халық әртісі. «Құрмет белгісі», Еңбек Қызыл Ту ордендерімен марапатталған. «Платиналық Тарлан» (2000), «Алтын Адам» (2008) сыйлықтарының, мемлекеттік сыйлықтарының лауреаты.

Ажырасқан. Қызы - Аюханова Гюзель (1970 жылы туған); ұлы - Аюханов Ілияс (1979 жылы туған).