Басты мәзірді ашу

Денисов ауданы Қостанай облысының батыс бөлігіндегі әкімшілік бөлініс. Жер аумағы — 6,8 мың км². Тұрғыны — 19,9 мың адам, орташа тығыздығы 1 км²-ге шамамен 2,8 адамнан келеді (2015). Аудандағы 36 елді мекен 14 ауылдық әкімшілік округке бөлінген. Аудан орталығы — Денисов ауылы. Аудан жері жазық, шығысқа қарай еңіс келетін Орал сырты үстірті мен Торғай Үстіртінің солтүстік тұсын алып жатыр. Кен байлықтарынан құрылыстық тас, әктас кездеседі. Климаты шұғыл континенттік. Қысы суық ызғарлы, жазы ыстық, құрғақ. Қаңтардағы ауаның орташа температурасы — -17…-18°С, шілдеде — 19…21°С. Жауын-шашынның жылдық орташа мөлшері — 250–300 мм. Басты өзендері: Тобыл, Әйет және оның салалары — Қарағайлыәйет және Қамыстыәйет. Тобыл өзенінде Жоғарғы Тобыл бөгені, Қамыстыәйет өзенінде Қамысты бөгені салынған. Ірі көлдері: Жақсы Алакөл, Светлое, Шыбындысор және Айқоныс. Денисов ауданының жері, негізінен, қара және қызыл қоңыр топырақты, сортаң топырақтар да кездеседі. Өсімдігі жусан аралас қау мен селеу, бетеге аралас далалық шөптерден тұрады. Жануарлар дүниесінен қасқыр, түлкі, сарышұнақ, қосаяқ; құстардан қаз, үйрек, аққу, тырна, қызғыш, бозторғай, т.б. мекендейді. Ауыл шаруашылығына пайдаланылатын жер аумағы — 452,5 мың га, оның ішінде 329,7 мың га егістік, 116 мың га жайылым бар. Денисов ауданы арқылы батыстан шығысқа қарай Ақмола – Қарталы темір жолы, оңтүстік-батыстан солтүстік-шығысқа қарай Қостанай – Жітіқара темір жолы, сондай-ақ республикалық маңызы бар Қостанай – Рудный – Тобыл – Жітіқара автомобиль магистралі өтеді. Аудан ішіндегі елді мекендер автомобиль жолдары арқылы байланысқан.

Қазақстан ауданы
Денисов ауданы
Елтаңбасы
Елтаңбасы
Әкімшілігі
Облысы

Қостанай облысы

Аудан орталығы

Денисовка

Ауылдық округтер саны

14

Ауыл саны

36

Әкімі

Ерлан Айтқұлұлы Жаманов[1]

Тарихы мен географиясы
Құрылған уақыты

1938 жыл

Координаттары

52°26′24″ с. е. 61°44′24″ ш. б. / 52.44000° с. е. 61.74000° ш. б. / 52.44000; 61.74000 (G) (O) (Я)Координаттар: 52°26′24″ с. е. 61°44′24″ ш. б. / 52.44000° с. е. 61.74000° ш. б. / 52.44000; 61.74000 (G) (O) (Я)

Жер аумағы

6,7 мың км²

Уақыт белдеуі

UTC+6:00

Тұрғындары
Тұрғыны

19 504[2] адам (2016)

Ұлттық құрамы

орыстар (38,63%)
қазақтар (27,48%)
украиндар (16,61%)
немістер (7,40%)
белорустар (2,94%)
татарлар (1,59%)[2]

Сандық идентификаторлары
Автомобиль коды

10

denisovka.kostanay.gov.kz

Қазақстан картасындағы Денисов ауданы

ДереккөздерӨңдеу

  1. Әкім аппараты. Денисов ауданы әкімдігінiн ресми интернет - ресурсы. Тексерілді, 7 желтоқсан 2016.
  2. a b 2016 жыл басына Қазақстан Республикасы халқының жекелеген этностары бойынша саны. Қазақстан Республикасы Ұлттық экономика министрлігі Статистика комитеті. Тексерілді, 21 қараша 2016.