Лариса Ивановна Романовская

Лариса Ивановна Романовская 1956 жылы 15 мамырда РКФСР Свердловск қаласында туған. Орыс.

Лариса Ивановна Романовская
Дүниеге келгені:	1956 мамыр РКФСР Свердловск қаласы
Мансабы:	алыс және жуық шетелдердің өнер форумдары, конкурстары, фестивальдары мәселелері бойынша халықаралық үйлестіруші

Анасы - Такунцева Валентина Алексеевна, зейнеткер, «Елім-ай» балалар музыкалық-хор мектебінде жұмыс істейді.

Құрманғазы атындағы Алматы мемлекеттік консерваториясының вокал-хор факультетін (1986), хор дирижері, хор пәндерінің оқытушысы; Абылай хан атындағы Қазақ халықаралық қатынастар және әлем тілдері университетінің шетел тілдері факультетін (2010) бітірген, ағылшын және неміс тілдерінің оқытушысы.

Орыс, ағылшын, неміс (базалық) және чех (бастауыш деңгей) тілдерін біледі.

Халықаралық кластағы дирижер. 1990 жылдан - ҚР Музыка қайраткерлері одағының Алматы қаласы хор секциясының меңгерушісі, Балалар музыкалық мектептерінің, гимназиялардың, эстетикалық бағыттағы мектептердің қалалық хормейстерлер секциясының жетекшісі.

2010 жылдан бері - алыс және жуық шетелдердің өнер форумдары, конкурстары, фестивальдары мәселелері бойынша халықаралық үйлестіруші.

«Елім-ай» балалар хорын құрушы, көркемдік жетекшісі және дирижері (1990), «Елім-ай» балалар музыкалық-хор мектебін құрушы (1998).

ҚР Музыкалық қайраткерлер одағының, Intercultur халықаралық ұйымының, IFCM, FOMGED халықаралық ұйымдарының мүшесі.

Болгарияда, Словакияда өткен Халықаралық конкурстардың әділқазы төрайымы, Чехияда, Ресейде, Украинада өткен Халықаралық конкурстардың әділқазыларының мүшесі.

ҚР Еңбек сіңірген әртісі (1998). М. Әуезов атындағы медальмен; Халықаралық Музыкалық қайраткерлер одағының, ҚР Музыкалық қайраткерлер одағының, қалалық Педагогика кадрларының біліктілігін арттыру және қайта даярлау институтының, ҚР Ағарту министрлігінің, Алматы қаласы әкімшілігінің, Алматы қаласы Медеу ауданы әкімшілігінің құрмет грамоталарымен марапатталған. Халықаралық Музыкалық қайраткерлер одағының, ТМД қатысушы мемлекеттердің Парламентаралық Ассамблеясының, ҚР Музыкалық қайраткерлер одағының, ҚР Мәдениет министрлігінің, қалалық кадрларды қайта даярлау институтының алғыстарын алған және алғыс хаттарымен ескерілген. Халықаралық музыкалық қайраткерлер одағының (Мәскеу, Новосібір, Санкт-Петербург қалалары), Халықаралық конкурстар мен фестивальдердің (Грекия, Германия, Қазақстан, Оңтүстік Корея, Ресей, Литва, Түркия, Австрия, Қырғызстан, Франция, Канада, Чехия, Украина, Испания, Болгария, Италия, Словакия, 1993-2010) дипломанты. Діни көзқарасы - атеист.

Саяси қайраткер ретіндегі идеалы - «Саясат мені толғандырмайды».

Қазақстанның болашағы туралы болжамы - «Әзірге қазақстандықтардың жан жүрегінде мәдениетсіздік пен адамгершіліктің болмауы орын алған - ал болашақ Қазақстан жайлы айту әлі ерте». Хоббиі - әдебиетті түпнүсқа тілде оқу, шет тілдерін меңгеру, автомобиль айдау, суда жүзу, саяхат жасау, шығармашылық жобалар құру. Сүйіп оқитын әдебиеті - классикалық әдебиет, дүние- жүзіндегі танымал адамдар туралы очерктер. Ажырасқан. Ұлы - Сергей (1989 ж. т.), Нью-Йорк университетінің студенті (Прага қ.), «Тосла» корпорациясының қызметкері (Прага қ.).