Режеп Базаров
Режеп Базаров (түрікм. Rejep Bazarow; 1958 жыл, Тельман ауданы, Дашоғыз уәлаяты) — түрікменстандық саясаткер, ветеринар, 2016 жылдан бері Министрлер Кабинеті төрағасының орынбасары,[1] 2014 жылдан бері Түрікменстан аграрлық партиясының төрағасы[2] және 2012 жылғы президент сайлауындағы үміткерлердің бірі.[3]
| Режеп Базаров түрікм. Rejep Bazarow | ||||
| Лауазымы | ||||
|---|---|---|---|---|
| ||||
| 29 сәуір 2016 жылдан бері | ||||
| Президент | Құрбанқұлы Бердімұхамедов | |||
| Премьер-Министр | Құрбанқұлы Бердімұхамедов | |||
| ||||
| қыркүйек 2014 жылдан бері | ||||
| Ізашары | лауазымы құрылды | |||
| ||||
| 2011 жыл — 2012 жыл | ||||
| Президент | Құрбанқұлы Бердімұхамедов | |||
| ||||
| 6 шілде 2012 — 4 сәуір 2014 | ||||
| Президент | Құрбанқұлы Бердімұхамедов | |||
| Өмірбаяны | ||||
| Партиясы | Түрікменстан аграрлық партиясы | |||
| Білімі | Сапармұрат Ниязов атындағы Түрікмен ауылшаруашылық университеті (1980) | |||
| Мамандығы | ветеринар | |||
| Дүниеге келуі | 1958 Әмудария (Амыдеря) ауылы, Тельман ауданы, Ташауз облысы, Түрікмен КСР, КСРО (қазіргі Болдымсаз атырабы, Дашоғыз уәлаяты, Түрікменстан) | |||
өңдеу  |
||||
Базаров бұрын Дашоғыз уәлаяты әкімінің орынбасары (2011–2012)[3], Түрікменстан Мәжілісінің депутаты (?–2016)[4] және ауыл шаруашылығының министрі (2012[5]–2014) лауазымдарында қызмет атқарған еді.
Өмірбаяны
өңдеуРежеп Базаров 1958 жылы дүниеге келген. Базаровтың туған жері — 2022 жылы ыдырап, Болдымсаз атырабына айналдырылған Тельман (Губадаг) ауданында (Түрікмен КСР).
Базаров 1975 жылы Түрікмен ауылшаруашылық университетінде оқуын бастап, ветеринар мамандығымен оны 1980 жылы аяқтады. Мансабын туған Губадаг ауданының ветеринариясында бастаған.
Дашоғыз әкімдігіндегі қызметі
өңдеу2000–2005 жылдары Ғұбадаг атырабы «Обахызмат» ауылшаруашылық акционерлік қоғамының ауыл шаруашылығы бөлімінің меңгерушісі, төрағасының орынбасары, төрағасы қызметтерін атқарған.
2005–2008 жылдары Дашоғыз уәлаяты Губадаг атырабы кәсіподақтар бірлестігінің төрағасы. 2008–2011 жылдары Құрбансұлтан әже атырабы әкімінің ауыл шаруашылығы жөніндегі орынбасары, Ғұбадаг атырабы әкімі қызметтерін атқарған.
2011–2012 жылдары Дашоғыз уәлаятының ауыл шаруашылығы жөніндегі орынбасары.[3]
2012 жылғы президент сайлауы
өңдеу2011 жылдың желтоқсанында Дашоғыз уәлаяты әкімінің орынбасары Режеп Базаровтың келесі жылы болатын президент сайлауына үміткер ретінде тіркелгені белгілі болды.[6]
2012 жылдың қаңтарында сайлаушылар алдында Базаров Ахал уәлаяты Рухабат атырабы мәдениет сарайының алдында сөйлеп, өзінің сайлауалды кампаниясы жайлы айтты: «күш-жігері мен білімін аямай, адал еңбек ететіні, ұлттық демократияны одан әрі жетілдіру үшін қолдан келгеннің бәрін жасап, мемлекеттің экономикалық мүмкіндіктерін тиімдірек пайдалануға тырысатыны» айтылды.[3]
Сайлау нәтижесінде Режеп Базаров жалпы дауыстың 0,28% жинап, 4-орын алып, жеңілді. Құрбанқұлы Бердімұхамедов қайта сайланды.[7]
Ауыл шаруашылығы министрі
өңдеу2012 жылдың 6 шілдесінде Түрікменстанның Ауыл шаруашылығы министрі болып тағайындалды, 2014 жылдың 4 сәуірінде басқа жұмысқа ауысуына байланысты қызметінен босатылды.
Партия төрағасы
өңдеу2014 жылдың қыркүйегінде дауыс беру қорытындысы бойынша Түрікменстан Аграрлық партиясының басшысы болып сайланды.[2] Партия төрағасы ретінде 2018 және 2023 жылдары болған парламент сайлауларында ТАП басты өкілі болған.
Мәжілістегі қызметі
өңдеу2016 жылға дейін Мары уәлаяты, №103 «Зарпчы» сайлау округінен сайланған Мәжіліс депутаты болған.[4][a]
2016 жылдың сәуірінде Министрлер Кабинеті төрағасының орынбасары болып сайланды.[1]
Қосымша ақпарат
өңдеу- ↑ Депутаттығының қай жылы басталғаны анық емес.
Дереккөздер
өңдеу- ↑ a b УКАЗ ПРЕЗИДЕНТА ТУРКМЕНИСТАНА: Пятница, 29 Апрель 2016 Wayback Machine мұрағатында (от 29 сәуірдің 2016)
- ↑ a b В Туркменистане создана Аграрная партия Wayback Machine мұрағатында (от 28 қыркүйектің 2014)
- ↑ a b c d Кандидат в президенты Туркменистана Реджеп Базаров выступил с предвыборной программой (орыс.) (9 января 2012). Тексерілді, 25 маусым 2023.
- ↑ a b ХРОНИКА 29-ГО АПРЕЛЯ: Пятница, 29 Апрель 2016 Wayback Machine мұрағатында (от 29 сәуірдің 2016)
- ↑ Произведены кадровые назначения Wayback Machine мұрағатында (от 6 шілденің 2012)
- ↑ Началась регистрация кандидатов на пост Президента Туркменистана Wayback Machine мұрағатында (от 29 желтоқсанның 2011)
- ↑ ЦИК Туркмении объявил официальные итоги президентских выборов Wayback Machine мұрағатында (от 16 ақпанның 2012)