Ғани Бектайұлы Бейсембаев
Ғани Бектайұлы Бейсембаев (3 маусым 1969 жыл, Қызылорда облысы) — қазақстандық саясаткер, педагог, 2023 жылдың қаңтарынан Оқу-ағарту министрі.[1]
| Ғани Бектайұлы Бейсембаев | ||||
.jpg) Бейсембаев 2023 жылы | ||||
| Лауазымы | ||||
|---|---|---|---|---|
| ||||
| 4 қаңтар 2023 жылдан бері | ||||
| Президент | Қасым-Жомарт Тоқаев | |||
| Премьер-Министр | Әлихан Смайылов Олжас Бектенов | |||
| Ізашары | Асхат Аймағамбетов | |||
| ||||
| 31 тамыз 2022 — 4 қаңтар 2023 | ||||
| Премьер-Министр | Әлихан Смайылов | |||
| Министрі | Асхат Аймағамбетов | |||
| ||||
| 18 наурыз 2022 — 31 тамыз 2022 | ||||
| Премьер-Министр | Әлихан Смайылов | |||
| Министрі | Асхат Аймағамбетов | |||
| Өмірбаяны | ||||
| Білімі | Абай атындағы Қазақ ұлттық педагогикалық университеті[1] | |||
| Ғылыми дәрежесі | философия және психология ғылымдарының докторы[2] | |||
| Мамандығы | қазақ тілі және әдебиетінің мұғалімі | |||
| Дүниеге келуі | 3 маусым 1969 (55 жас) Қызылорда облысы, Қазақ КСР, КСРО[3] | |||
| Сайты | Оқу-ағарту министрлігінің ресми сайты | |||
| Марапаттары |
| |||
| Ғани Бектайұлы Бейсембаев Ортаққорда | ||||
өңдеу  |
||||
.svg)
Жастық шағы және білімі
өңдеуҒани Бейсембаев 1969 жылдың 3 маусымында[1] Қызылорда облысында[3] дүниеге келген. Бала кезінде домбыра ойнап аудандық, облыстық, республикалық сайыстарға қатысатын және сол себеппен әнші, музыкант мансабын таңдау жайлы ойлайтынын айтып кеткен және мектеп кезінде пионер болған. Пионерлігі кезінде педагогика мансабын таңдаған.[4]
Абай атындағы Қазақ ұлттық педагогикалық университетінде «қазақ тілі және әдебиетінің мұғалімі» мамандығына оқуын алды.[1]
Ғылыми атақтары, дәрежелері
өңдеуБейсембаев — Ресейдегі Педагогикалық білім беру халықаралық ғылым академиясының корреспондент-мүшесі, қазақстандық Халықаралық ақпараттандыру академиясының академигі,[1] философия және психология ғылымдарының докторы.[2]
Мансабы
өңдеуПедагогикалық мансабы
өңдеуӨз еңбек жолын Бейсембаев 1986–1989 жылдары Қызылорда облысы, Шиелі аудандық мәдениет бөлімінің автоклуб меңгерушісі болып бастады.
Бұдан кейін ол Алматы облысының Іле ауданындағы 14-орта мектебінің қазақ тілі мұғалімі, «Жас талап» үйірмесінің жетекшісі қызметіне орналасты. 1990 жылы ол сол мектеп директорының орынбасары болып тағайындалды және мұғалім ретіндегі қызметін жалғастыра берді.[1]
1995 жылы ол Іле ауданындағы 12-орта мектептің директоры болды, бұл қызметін 1997 жылға дейін жалғастырды.[3] 1997–2000 жылдары ол Ы.Алтынсарин атындағы Қазақ білім академиясының ғылыми хатшысы, президентінің кеңесшісі болды.[2]
2000 жылдан 2001 жылға дейін, тек бір жыл бойы ол Алматы облысындағы Қапшағай қалалық білім бөлімінің басшысы қызметінде болды және одан кейін, 2006 жылға дейін Алматы қаласындағы қосымша білім беру орталығының директоры болды.
2006–2007 жылдары Бейсембаев Алматы технологиялық университеті жанындағы техникалық-экономикалық колледжінің директоры болды және де 2006 жылы «EDTECH» халықаралық білім беру орталығының бас директоры болып тағайындалды, өз қызметін қазірдің өзінде де жалғастыруда.
2022 жылдың 27 наурызынан желтоқсанына дейін ол Білім және ғылым министрлігінің «Учебник» республикалық ғылыми-практикалық орталығы» республикалық мемлекеттік қазынашылық кәсіпорнының директоры қызметінде болды және бұдан кейін, 2022 жылдың наурызына дейін Ыбырай Алтынсарин атындағы Ұлттық білім академиясының президенті болды.[1]
2019 жылғы сұхбатта Бейсембаев өзінің Білім және ғылым министрлігі жанындағы қоғамдық кеңесінің мүшесі екенін айтып кетті.[4]
Саяси мансабы
өңдеуӨз саяси мансабын Ғани Бейсембаев 2022 жылдың 18 наурызында, Білім және ғылым министрінің Асхат Аймағамбетовтың орынбасары болып тағайындалғанда бастады. Бұл қызметте ол сол жылдың тамызына дейін болды. Сол жылдың 31 тамызында ол Білім және ғылым министрлігінің ыдырауымен байланысты жаңа құрылған Оқу-ағарту министрлігінің вице-министрі болып тағайындалды.
2023 жылдың 4 қаңтарында Асхат Аймағамбетовтың лауазымынан босатылуымен байланысты оның ізбасары болып, Оқу-ағарту министрі лауазымына тағайындалды. Сол жылдың 4 сәуірінде лауазымға қайта тағайындалды.[5]
2023 жылдың қазанындағы мәліметінше Бейсембаев — Тәуелсіз аккредиттеу және рейтинг агенттігі Кеңесінің мүшесі, Жоғары оқу орындарының бақылау кеңестерінің, Білім және ғылым министрлігі жанындағы Білім, ғылым және балалардың құқықтарын қорғау жөніндегі қоғамдық кеңестің, «Нұр Отан» партиясы Алматы қалалық филиалының Білім жөніндегі қоғамдық кеңесінің мүшесі, «QAZAQSTAN» ұлттық телеарнасының «QAREKET» ток-шоуының ғылыми кеңесшісі және сол жылдың қаңтарынан Қазақстан президентінің жанындағы Адам құқықтары жөніндегі комиссияның мүшесі.
Сын
өңдеу2022 жылдың мамырында 10 қазақстандық балалардың Россотрудничество бағдарламасы арқылы аннексияланған Қырым жеріндегі «Артек» лагеріне 24 күнге жіберілгені белгілі болды. Министрліктің тиісті бұйрығынсыз және Бала құқықтарын қорғау комитетінің рұқсатынсыз мектеп оқушыларының шетелге шығуына тыйым салынғаны белгілі.[6]
Сол жылдың маусым айының басында әлеуметтік желілер министрліктің оқу жылын ұзарту және соңғы қоңырау күнін кейінге жылжыту туралы шешімін сынға алды. Жазғы дала температурасының жыл сайын өсуі бұл шешімді аса ұнамсыз қылды.[6]
«Цифрлық қоғам» қоғамдық қорының төрағасы Нұрғали Рахмановтың сөзінше мұғалім болғанда білім беру жүйесімен таныс, Оқу-ағарту министрі болып тағайындалған Бейсембаев сол жүйенің кемшіліктерін біле тұрса да, оның жүйені өзгертуден бас тартып, реформа жасамай-ақ қоюы әдбен мүмкін. Рахмоновтың ойынша елдегі орта мектеп жүйесі реформа қажет етеді, және Бейсембаевтың осы лауазымға тағайындалуы жақсы да, жаман да болуы мүмкін. Рахмонов сөзінше «Бейсембаев — өз мамандығының шебері, бірақ оған министрдің орны сай емес, оның одан да министрдің бірінші орынбасары болғаны жақсы».[7]
Еңбектері
өңдеуҒани Бейсембаев —— республикалық БАҚ және педагогикалық басылымдарда 40-қа жуық ғылыми мақалаларының авторы, «Шалқар» ұлттық радиосындағы «Жан азығы» радиотренингтерінің авторы және жүргізушісі, 9-сыныпқа арналған қазақ әдебиеті бойынша оқырман, оқу-әдістемелік мектеп оқушылары мен ересектерге арналған «Мамандық таңдау кілті», «КӘСІП» кәсіптік бағдар берудің кешенді жүйесі, «Импакт-фактор: дәйексөздерді талдау және оның ғылым әлеміндегі рөлі» әдістемелік нұсқауы, «Жастарды патриоттық тәрбиелеу моделінің», Қазақстан Республикасының жоғары оқу орындарында жоғары оқу орнына дейінгі дайындықтың, «CAR» орта мектеп оқушыларының жетістіктерін бақылау жүйесі және «Всеобуч» студенттерді автоматталған бақылау жүйесінің авторы. Сонымен қатар ол Қазақстан орта білім берудің мемлекеттік стандартын (1998 ж. – қазақ тілі) әзірлеуге атсалысты
Марапаттары
өңдеуҒани Бейсембаевтің марапаттары, атақтары:
- Ерен еңбегі үшін медалі;[2]
- Қазақстан Республикасы білім беру ісінің үздігі;
- «Ы. Алтынсарин» белгісі;
- Кәсіподақтарға сіңірген еңбегі үшін (Қазақстан кәсіподақтар федерациясы)[1]
Дереккөздер
өңдеу- ↑ a b c d e f g h Бейсембаев Гани Бектаевич (персональная справка) (орыс.). online.zakon.kz. Тексерілді, 21 қазан 2023.
- ↑ a b c d Бейсембаев Ғани Бектайұлы (қаз.). Қазақстан Республикасы Оқу-ағарту министрлігінің ресми сайты. Тексерілді, 21 қазан 2023. Мұрағат көшірмесі 21 қазанның 2023 Wayback Machine мұрағатында
- ↑ a b c Бейсембаев Ғани Бектайұлы (қаз.). Қазақстан премьер-министрінің ресми сайты. Тексерілді, 20 қазан 2023. Мұрағат көшірмесі 21 қазанның 2023 Wayback Machine мұрағатында
- ↑ a b Гани Бейсембаев. Фильм "Он учитель" с Вассерманом Ф.Я. YouTube сайтында
- ↑ Бейсембаев переназначен на пост министра просвещения (орыс.). КазТАГ (4 апреля 2023). Тексерілді, 21 қазан 2023.
- ↑ a b Абаев, Мұхтар Баня для министра и прогиб перед Россией: за что ругали Гани Бейсембаева (орыс.). Alem Research (19 июля 2023). Тексерілді, 21 қазан 2023. Мұрағат көшірмесі 21 қазанның 2023 Wayback Machine мұрағатында
- ↑ Ескендірова, Алина Просвещение отдохнет от реформ – его возглавил хозяйственник (орыс.). Turan Press (27 января 2023). Тексерілді, 21 қазан 2023. Мұрағат көшірмесі 21 қазанның 2023 Wayback Machine мұрағатында