Михаил Петрович Русаков

Михаил Петрович Русаков (21.11.1892, Ресей Федерациясы, Калуга облысының Юхнов қаласы — 24.10.1963, Мәскеу қаласы) — геолог-барлаушы, геология-минералогия ғылымының докторы (1935), профессор (1936). Қазақ КСР-інің еңбек сіңірген ғылым қайраткері (1945). Қазақ КСР ғылым академиясының академигі (1946). Петроград (Санкт-Петербург) тау-кен институтын бітірген (1921). 1922 — 42 ж. Орал-Сібір геология комитетінде, 1942 жылдан КСРО ғылым академиясының Қазақ бөлімшесінің Геология ғылымдары институтында бөлім меңгерушісі қызметтерін атқарды. Негізгі ғылыми еңбектері Қазақстан жерінің кен орындарын, геологиялық құрылысын, қазба байлықтарын зерттеу мәселелеріне арналған. Русаков Қоңырат (мыс), Қарағайлы (қорғасын-барит), Семізбұғы (корунд, андалузит, Н.И. Наковникпен бірге), Қайрақты (асбест, барит, полиметалл), т.б. пайдалы қазба кен орындарын ашты; металлогения ғылымы саласында қайталама кварциттермен байланысты мыс-молибден, алтын-күміс, корунд, андалузит, диаспор, алунит кентастарын, т.б. зерттеді. Русаков геолог-экономист, эксперт ретінде Қазақстанның бірнеше кен орындарының қорын есептеу мен игерудің мәселелерін іс жүзінде шешуге қатысты. Русаков 150-ден аса ғылыми еңбектің авторы. Екі мәрте Еңбек Қызыл Ту, 1-дәрежелі Отан соғысы ордендерімен марапатталған. Оның есімімен русаковит минералы аталған.

^[1] ^[2] ^[3] ^[4] ^[5]

Дереккөздер:

↑ Қазақ энциклопедиясы, 7 - том
↑ Никель в Казахской степи, Вестник геологического комитета, ғ1, А.-А., 1928;
↑ Геологическое описание Каркаралинского района Казахской степи, сб.: Геология КСРО, т. 20, М., 1941;
↑ Минеральные ресурсы Казахстана к XXV-летнему юбилею Советской власти и задачи их освоению. Юбилейный сб. Казахского филиала АН КСРО, А.-А., 1943;
↑ Цветные и черные металлы Казахстана и их редкая база в 4-й пятилетке, А.-А., 1946.

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] Қазақ энциклопедиясы, 7 - том

[2] Никель в Казахской степи, Вестник геологического комитета, ғ1, А.-А., 1928;

[3] Геологическое описание Каркаралинского района Казахской степи, сб.: Геология КСРО, т. 20, М., 1941;

[4] Минеральные ресурсы Казахстана к XXV-летнему юбилею Советской власти и задачи их освоению. Юбилейный сб. Казахского филиала АН КСРО, А.-А., 1943;

[5] Цветные и черные металлы Казахстана и их редкая база в 4-й пятилетке, А.-А., 1946.

[1]

[2]

[3]

[4]

[5]