Алмасадам Майданұлы Сәтқалиев

Алмасадам Майданұлы Сәтқалиев (31 қазан 1970 жыл, Алматы) — қазақстандық саяси қайраткер, экономист, 2023 жылғы сәуірден Энергетика министрі. 2021–2023 жылдары аралығында ол Самұрық-Қазына төрағасы болды.

Алмасадам Майданұлы Сәтқалиев
Сәтқалиев, 2023 жыл
Лауазымы
Ту Қазақстан Республикасы Энергетика министрі Ту
4 сәуір 2023 жылдан бастап
Президент	Қасым-Жомарт Тоқаев
Премьер-Министр	Әлихан Смайылов Олжас Бектенов
Ізашары	Болат Ақшолақов
Ту Самұрық-Қазына төрағасы Ту
29 наурыз 2021 — сәуір 2023
Ізашары	Ахметжан Есімов
Ізбасары	Нұрлан Жақыпов
Ту «Самұрық-Қазына» АҚ мүдделерінің өкілі және «KEGOC» АҚ Директорлар кеңесінің төрағасы Ту
қараша 2018 — сәуір 2021
Президент	Нұрсұлтан Назарбаев
Ту «Қазақстан электр желілерін басқару компаниясы» АҚ президенті Ту
желтоқсан 2009 — мамыр 2011
Президент	Нұрсұлтан Назарбаев
Ту Энергетика және минералдық ресурстар вице-министрі Ту
24 қаңтар — 2 қыркүйек 2007
Президент	Нұрсұлтан Назарбаев
Премьер-Министр	Кәрім Мәсімов
Министрі	Бақтықожа Ізмұхамбетов Сауат Мыңбаев
Өмірбаяны
Білімі	1) Әл-Фараби атындағы Қазақ ұлттық университеті (1992) 2) Назарбаев Университетінің Бизнес жоғарғы мектебі / Фукуа бизнес мектебі (2015) 3) Стэнфорд университетінің Бизнес жоғарғы мектебі (2016)
Ғылыми дәрежесі	1) Экономика ғылымдарының докторы 2) Экономика ғылымдарының кандидаты
Дүниеге келуі	31 қазан 1970 (1970-10-31) (54 жас) Алматы, Қазақ КСР, КСРО
Әкесі	Майдан Сәтқалиев
Анасы	Валентин Сәтқалиева
Жұбайы	Марфуга Оразәліқызы Сәтқалиева
Балалары	4 ұлы Әсет (1994) Асхат (2002) Асат (2007) Аслан (2013) қызы Анадэль (2005) Майдановтар
Сайты	Энергетика министрлігінің ресми сайты
Марапаттары	Құрмет ордені Барыс ордені
Алмасадам Майданұлы Сәтқалиев Ортаққорда

Өмірбаяны

Алмасадам Сәтқалиев 1970 жылғы 31 қазанда Алматыда, Майдан мен Валентина Сәтқалиевтердің отбасында дүниеге келген. Жалайыр тайпасының андас руынан шыққан. 1992 жылы Әл-Фараби атындағы Қазақ ұлттық университетіндегі «механик, математик — қолданбалы ғылым маманы» мамандығына оқуын бітірді.

Өз мансабын ол 1992 жылғы тамызда «ТаССат» ЖШС директоры ретінде бастады. Бұл қызметте 1997 жылғы қыркүйекке дейін болды. Одан кейін, 1998 жылғы тамызға дейін ол «ҚазТрансОйл» компаниясында менеджер, клиринг бөлімінің бастығы, жобаларды басқару бөлімінің бастығы болды. Бұл қызметін аяқтап, ол 2001 жылғы қаңтарға дейін сол компанияның вице-президенті, басқарушы директоры болып тағайындалды.

2001–2006 жылдары аралығында ол «KEGOC» АҚ бірінші вице-президенті лауазымында болды, одан кейін, 2007 жылға дейін «Самұрық» АҚ электр энергетикалық активтерді басқару жөніндегі директоры болды.

2007 жылғы 24 қаңтардан 2 қыркүйекке дейін ол Энергетика және минералды ресурстар вице-министрі болды. Оған қоса ол сол жылғы наурыздан қыркүйегіне дейін «Самұрық» мемлекеттік активтерді басқару жөніндегі қазақстандық холдинг» АҚ Директорлар кеңесінің мүшесі болды. Келесі жылғы қазаннан 2009 жылғы желтоқсанға дейін ол «KEGOC» бірінші вице-президенті қызметін атқарды.

2009–2011 жылдары ол KEGOC президенті болды, одан кейін, 2012 жылғы қаңтарға дейін Самұрық-Қазына атқарушы директоры қызметінде болған. 2012 жылдан 2018 жылға дейін Сәтқалиев Самұрық-Энерго директоры болды. 2018 жылы KAZENERGY басқарған қысқа мерзімнен кейін ол Самұрық-Қазынаға қайта көшті, активтерді басқару жөніндегі Басқарушы директор қызметіне тағайындалды. Бұл қызметін әлі де жалғастыруда.

2021 жылғы 29 наурызда Сәтқалиев Самұрық-Қазына төрағасы болды. Бұл қызметте басқа лауазымға көшірілу себебінен 2023 жылғы сәуірге дейін ғана болды.

2023 жылғы 4 сәуірде Алмасадам Сәтқалиев Президент Тоқаев жарлығымен Энергетика министрі лауазымына тағайындалды.

Алмасадам Сәтқалиев — WEC (Дүниежүзілік энергетикалық кеңес) Қазақстандық комитетінің төрағасы, ҚазМұнайГаз бен Қазатомөнеркәсіп Директорлар Кеңестерінің мүшесі, КОРЭМ АҚ Директорлар Кеңесінің төрағасы, 2007 жылдан бері ҚазҚуат АҚ Директорлар Кеңесінің мүшесі, 2008 жылдан Қазақстан электр энергетикасы қауымдастығы директорлар кеңесінің төрағасы, белгісіз жылдан бері «Атамекен» Ұлттық кәсіпкерлер палатасы Президиумының мүшесі.

Жеке өмірі

Алмасадам Сәтқалиев Марфуга Оразәліқызы Сәтқалиеваға үйленген. Олардың 4 ұлы және 1 қызы бар: Әсет (1994 туған), Асхат (2002 туған), Анадэль (2005 туған), Асат (2007 туған) және Аслан (2013 туған) Майдановтар.. Сәтқалиевті Азаттық радиосы секілді БАҚ Қазақстанның тұңғыш президенті Нұрсұлтан Назарбаевтың құдасы деп атайды.Дерек бойынша Сәтқалиевтің қызы Анадэль Нұрсұлтан Назарбаевтың екінші некесінен туылған Тауманменнеке қиған. Бірақ Сәтқалиев те Назарбаев та бұл ақпаратты растамады.

Алмасадам Майданұлы қазақ, орыс және ағылшын тілдерін меңгерген.

Марапаттары және атақтары

Алмасадам Сәтқалиев — экономика ғылымдарының кандидаты және докторы, Қазақ ұлттық жаратылыстану ғылымдары академиясының академигі және Ресей жаратылыстану ғылымдары академиясының шетелдік мүшесі.

Алмасадам Сәтқалиевтың марапаттары және өзге де атақтары:

• Құрмет ордені (2008);
• Парасат ордені;
• Барыс ордені (2021);
• Қазақстан Конституциясына 10 жыл медалі (2005);
• Астанаға 10 жыл медалі (2008);
• Қазақстан Республикасының тәуелсіздігіне 20 жыл медалі;
• Қазақстан Республикасының тәуелсіздігіне 25 жыл медалі;
• KAZENERGY ассоциациясына 10 жыл медалі;
• Қазақстан президенті Нұрсұлтан Назарбаев атынан алғыс хат;
• Қазақстан премьер-министрі Кәрім Мәсімов атынан алғыс хат;
• «ТМД еңбек сіңірген электригі»;
• «Еңбек сіңірген электрик» (Қазақстан Электр энергетикалық Қауымдастығы).